జన గళం : తెలుగు రాష్ట్రాల్లోని కాపు సామాజికవర్గంలో ఐక్యతను పెంపొందించడం, భవిష్యత్ సామాజిక మరియు రాజకీయ ప్రయోజనాలపై చర్చించేందుకు హైదరాబాద్ వేదికగా ప్రముఖ నాయకులు సమావేశమయ్యారు. భారతీయ కాపు ఐక్య వేదిక జాతీయ అధ్యక్షులు మరియు తెలంగాణ మున్నూరు కాపు పటేల్ అధ్యక్షులు కొండా దేవయ్య అధ్యక్షతన ఈ ఉన్నత స్థాయి సమావేశం అత్యంత సౌహార్ద వాతావరణంలో జరిగింది. ఈ భేటీలో వివిధ ప్రాంతాల నుంచి విచ్చేసిన ప్రముఖ నాయకులు పాల్గొని సామాజికవర్గ అభ్యున్నతికి తీసుకోవాల్సిన చర్యుల గురించి లోతుగా సమీక్షించారు.
ఈ సమావేశంలో భారతీయ కాపు ఐక్య వేదిక జాతీయ ప్రధాన కార్యదర్శి మరియు కాపు జేఏసీ చైర్మన్ చందు జనార్దన్ తో పాటు ప్రముఖ నాయకులు బాశెట్టి ప్రసాద్, మూర్తి రంగిశెట్టి భాస్కర్ తదితరులు ప్రత్యేకంగా పాల్గొన్నారు. తెలుగు రాష్ట్రాల్లో కాపులు, మున్నూరు కాపులు ఎదుర్కొంటున్న వివిధ సామాజిక, ఆర్థిక సమస్యలపై నాయకులు విస్తృతంగా చర్చించారు. సమాజంలో అన్ని రంగాల్లో తగిన ప్రాధాన్యత దక్కేలా ఐక్యమత్యంతో ముందుకు సాగాలని ఈ సందర్భంగా ఏకగ్రీవంగా నిర్ణయించారు.
రాబోయే కాలంలో రెండు తెలుగు రాష్ట్రాల్లో కాపు సామాజికవర్గ బలోపేతం కోసం అనుసరించాల్సిన వ్యూహాలపై భవిష్యత్ కార్యాచరణను రూపొందించారు. యువతకు ఉపాధి అవకాశాలు కల్పించడంలోనూ, రాజకీయంగా సరైన ప్రాతినిధ్యం సాధించడంలోనూ అందరూ సమన్వయంతో పనిచేయాలని నాయకులు పిలుపునిచ్చారు. ఈ సమావేశం ద్వారా సామాజికవర్గ హక్కుల పరిరక్షణకు బలమైన పునాది పడిందని, భవిష్యత్తులో మరిన్ని విస్తృత స్థాయి సమావేశాలు నిర్వహించనున్నట్లు వారు స్పష్టం చేశారు.
Slug: hyderabad-kapu-aikya-vedika-leaders-meeting-konda-devayya