జన గళం ఆంధ్రప్రదేశ్ డెస్క్: కడప జిల్లా ప్రొద్దుటూరు వేదికగా అత్యంత ప్రతిష్టాత్మకంగా నిర్వహించిన ‘జల్ జీవన్ మిషన్ – అమరజీవి జలధార’ ప్రాజెక్టుల శంకుస్థాపన మరియు ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ పాల్గొన్న బహిరంగ సభకు కడప నియోజకవర్గం నుంచి పార్టీ శ్రేణులు, ప్రజలు భారీ ఎత్తున తరలివెళ్లారు. ఈ చారిత్రాత్మక కార్యక్రమాన్ని విజయవంతం చేసేందుకు ఉత్సాహంగా బయలుదేరిన కార్యకర్తలతో కడప శాసనసభ్యురాలు, ప్రభుత్వ విప్ రెడ్డెప్పగారి మాధవి రెడ్డి మమేకమయ్యారు. ప్రయాణ వేళ శ్రేణులను స్వయంగా కలిసి వారిలో జోష్ నింపారు.
సభా ప్రాంగణానికి బయలుదేరుతున్న కార్యకర్తలు ప్రయాణిస్తున్న బస్సుల్లోకి ఎమ్మెల్యే మాధవి రెడ్డి స్వయంగా ఎక్కి, వారి యోగక్షేమాలను ఆప్యాయంగా అడిగి తెలుసుకున్నారు. సుదూర ప్రయాణంలో ఎలాంటి అసౌకర్యం కలగకుండా తగిన జాగ్రత్తలు తీసుకోవాలని, అందరూ సురక్షితంగా సభా ప్రాంగణానికి చేరుకోవాలని సూచించారు. కార్యకర్తల సౌకర్యార్థం అన్ని ఏర్పాట్లు సక్రమంగా జరిగేలా స్థానిక నాయకులను ఎప్పటికప్పుడు సమన్వయం చేస్తూ తగిన మార్గదర్శకాలు జారీ చేశారు. నాయకుల రాకతో శ్రేణుల్లో నూతనోత్సాహం వెలువెత్తింది.
తమతో నేరుగా బస్సుల్లోకి వచ్చి ఆప్యాయంగా పలకరించడంతో పాటు, ప్రయాణ వసతులపై ప్రత్యేక శ్రద్ధ వహించిన ఎమ్మెల్యే మాధవి రెడ్డి చొరవ పట్ల పార్టీ కార్యకర్తలు, అభిమానులు హర్షం వ్యక్తం చేశారు. నాయకుల ఈ ఆదరాభిమానాలు తమలో మరింత ఉత్సాహాన్ని నింపాయని పేర్కొన్నారు. అనంతరం వేలాదిగా తరలివచ్చిన శ్రేణులు పెద్ద ఎత్తున నినాదాలు చేస్తూ ఉత్సాహంగా ప్రొద్దుటూరు సభా ప్రాంగణానికి పಯణమయ్యారు.
Slug: reddeppagari-madhavi-reddy-cadres-buses-proddatur-meeting