జన గళం ఆంధ్రప్రదేశ్ డెస్క్: కృష్ణా జిల్లా మచిలీపట్నంలో కాంగ్రెస్ పార్టీ బలోపేతానికి చేపడుతున్న కార్యక్రమాలు జోరందుకున్నాయి. ఇటీవల విజయవాడలో పీసీసీ అధ్యక్షురాలు వైఎస్ షర్మిలా రెడ్డి ఆధ్వర్యంలో కాంగ్రెస్ పార్టీ సిద్ధాంతాలు, విధానాలకు ఆకర్షితులై పార్టీలో చేరిన మచిలీపట్నానికి చెందిన పలువురు నూతన కార్యకర్తలకు స్థానిక నాయకులు ఘనంగా స్వాగతం పలికారు. ఈ నేపథ్యంలో సోమవారం మచిలీపట్నంలోని కృష్ణా జిల్లా కాంగ్రెస్ పార్టీ కార్యాలయంలో ప్రత్యేక అభినందన కార్యక్రమం అత్యంత ఉత్సాహంగా నిర్వహించబడింది.
ఈ కార్యక్రమంలో ప్రముఖ కాంగ్రెస్ నాయకులు శొంఠి నాగరాజు, అబ్దుల్ మతీన్ తదితరులు పాల్గొని, పార్టీలోకి తాజాగా అడుగుపెట్టిన నూతన కార్యకర్తలకు కండువాలు కప్పి సాదరంగా ఆహ్వానించారు. ఈ సందర్భంగా వారు మాట్లాడుతూ, దేశంలో ప్రజాస్వామ్య విలువలను, లౌకిక వాదాన్ని మరియు సామాజిక సమత్వ్యాన్ని పరిరక్షించేది కేవలం కాంగ్రెస్ పార్టీయేనని స్పష్టం చేశారు. పార్టీ విధానాలపై నమ్మకంతో ముందుకు వస్తున్న యువత, కార్యకర్తల రాక పార్టీకి మరింత ఊపునిస్తుందని కొనియాడారు. రాబోయే రోజుల్లో ప్రజా సమస్యలపై గళం ఎత్తుతూ, పార్టీని అట్టడుగు స్థాయి నుంచి మరింత బలోపేతం చేసేందుకు ప్రతి ఒక్కరూ ఐక్యంగా కృషి చేయాలని పిలుపునిచ్చారు.
పార్టీ కోసం నిరంతరం శ్రమించే ప్రతి కార్యకర్తకు సముచిత గుర్తింపు ఉంటుందని నాయకులు భరోసా కల్పించారు. ప్రజలక్ష్యాల సాధనే ధ్యేయంగా కాంగ్రెస్ శ్రేణులు సైనికులా పనిచేయాలని కోరారు. తమను ఆప్యాయంగా ఆహ్వానించి సత్కరించిన నాయకులకు నూతన కార్యకర్తలు కృతజ్ఞతలు తెలిపారు. ఈ కార్యక్రమంలో స్థానిక కాంగ్రెస్ పార్టీ నాయకులు, కార్యకర్తలు మరియు అభిమానులు పెద్ద సంఖ్యలో పాల్గొని ఈ వేడుకను విజయవంతం చేశారు.
Slug: machilipatnam-congress-party-joinings-shonti-nagaraju