జన గళం విజయవాడ బ్యూరో: ఆంధ్రప్రదేశ్ గ్రీనింగ్ & బ్యూటిఫికేషన్ కార్పొరేషన్ చైర్మన్, జనసేన పార్టీ ప్రధాన కార్యదర్శి శ్రీ కొణిదెల నాగబాబు విజయవాడ నగర పర్యటన నిమిత్తం విచ్చేయగా గన్నవరం విమానాశ్రయంలో ఆయనకు ఘన స్వాగతం లభించింది. ఈ సందర్భంగా జనసేన పార్టీ నాయకులు శ్రీ పోతిరెడ్డి వెంకటరమణ ఆయన్ను మర్యాదపూర్వకంగా కలిసి పుష్పగుచ్ఛం అందజేసి ఆత్మీయ స్వాగతం పలికారు.
అనంతరం వారు కొద్దిసేపు ముచ్చటించి, రాష్ట్రంలో పచ్చదనం పెంపునకు ప్రభుత్వం చేపడుతున్న చర్యలు, పార్టీ సంస్థాగత బలోపేతానికి సంబంధించిన అంశాలపై చర్చించారు. ప్రజా ప్రభుత్వంలో రాష్ట్రవ్యాప్తంగా పర్యావరణ పరిరక్షణ, సుందరీకరణ పనులను వేగవంతం చేయడంలో నాగబాబు గారి నాయకత్వం ఎంతో కీలకంగా నిలుస్తుందని ఈ సందర్భంగా పార్టీ నేతలు కొనియాడారు. ఈ కార్యక్రమంలో పలువురు జనసేన పార్టీ నాయకులు, కార్యకర్తలు పాల్గొన్నారు.
