విజయవాడ ఉత్సవ్ 2.0లో సందడి: కేంద్ర మంత్రి రామ్మోహన్ నాయుడు, హోం మంత్రి అనితతో కలిసి పాల్గొన్న ఎన్టీఆర్ జిల్లా జనసేన అధ్యక్షుడు సామినేని ఉదయభాను!

జన గళం విజయవాడ బ్యూరో: సాంస్కృతిక వైభవాన్ని, నగర ప్రాశస్త్యాన్ని చాటిచెప్పే దిశగా విజయవాడ పార్లమెంట్ సభ్యులు కేశినేని శివనాథ్ (చిన్ని) ఆధ్వర్యంలో అత్యంత ఘనంగా నిర్వహించిన ‘విజయవాడ ఉత్సవ్ 2.0’ కార్యక్రమంలో ఎన్టీఆర్ జిల్లా జనసేన పార్టీ అధ్యక్షులు సామినేని ఉదయభాను పాల్గొన్నారు. ఈ వేడుకల్లో ముఖ్య అతిథులుగా విచ్చేసిన కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు, రాష్ట్ర హోం శాఖ మంత్రి వంగలపూడి అనితలతో కలిసి ఆయన వేదికను పంచుకున్నారు. విజయవాడ తూర్పు శాసనసభ్యులు గద్దె రామ్మోహన్ రావు, పలు కార్పొరేషన్ల చైర్మన్లు, కూటమి ముఖ్య నాయకులు ఈ కార్యక్రమంలో పాల్గొని ఉత్సవాల విశిష్టతను కొనియాడారు. సాంస్కృతిక కార్యక్రమాలు, నగర ప్రగతిని ప్రతిబింబించే వేదికలతో విజయవాడ ఉత్సవ్ 2.0 నగరవాసులను విశేషంగా ఆకట్టుకుంది. కూటమి నేతలంతా ఒక్కచోట చేరి విజయవాడ సమగ్ర అభివృద్ధికి, సాంస్కృతిక పునరుజ్జీవనానికి సంపూర్ణ సహకారం అందిస్తామని స్పష్టం చేశారు.