పెడన అసెంబ్లీ స్థానిక ఎన్నికల సమన్వయకర్తగా విక్కుర్తి శ్రీనివాస్ బాబు (కొరియర్ శ్రీను): శ్రేణుల హర్షాతిరేకాలు, శుభాకాంక్షల వెల్లువ!

జన గళం పెడన బ్యూరో: ఆంధ్రప్రదేశ్‌లో రాబోయే స్థానిక సంస్థల ఎన్నికల సమరానికి జనసేన పార్టీ యంత్రాంగం వేగంగా సన్నద్ధమవుతోంది. ఇందులో భాగంగా మచిలీపట్నం పార్లమెంట్ పరిధిలోని పెడన అసెంబ్లీ నియోజకవర్గ స్థానిక ఎన్నికల కో-ఆర్డినేషన్ కమిటీ సమన్వయకర్తగా సీనియర్ నాయకుడు శ్రీ విక్కుర్తి శ్రీనివాస్ బాబు (కొరియర్ శ్రీను) నియమితులయ్యారు. పార్టీ అధినేత, రాష్ట్ర ఉప ముఖ్యమంత్రి శ్రీ కొణిదల పవన్ కళ్యాణ్ ఆదేశాల మేరకు ఈ నియామకం జరిగింది. నియోజకవర్గంలో పార్టీ కోసం నిరంతరం శ్రమిస్తూ, ప్రజలకు ఎల్లవేళలా అందుబాటులో ఉండే విక్కుర్తి శ్రీనివాస్ బాబుకు కీలక బాధ్యతలు దక్కడం పట్ల జనసైనికులు, వీరమహిళలు, అభిమానులు హర్షాతిరేకాలు వ్యక్తం చేస్తూ శుభాకాంక్షలు తెలియజేశారు. అధినేత పవన్ కళ్యాణ్ తనపై ఉంచిన నమ్మకాన్ని నిలబెట్టుకుంటూ, పెడన నియోజకవర్గంలో పార్టీని మరింత బలోపేతం చేసి రాబోయే స్థానిక ఎన్నికల్లో కూటమి అభ్యర్థుల విజయానికి అంకితభావంతో పనిచేస్తానని శ్రీనివాస్ బాబు స్పష్టం చేశారు.