జన గళం ఎడ్యుకేషన్ డెస్క్: బంగాళాఖాతంలో కొనసాగుతున్న తీవ్రమైన ‘అర్నబ్’ తుపాను తీరానికి సమీపిస్తున్న నేపథ్యంలో కృష్ణా జిల్లా వ్యాప్తంగా పాఠశాలలకు ప్రభుత్వం సెలవులు ప్రకటించింది. విద్యార్థుల భద్రతను దృష్టిలో ఉంచుకుని కృష్ణా జిల్లా కలెక్టర్ గారి ఆదేశాల మేరకు ఈ నిర్ణయం తీసుకున్నట్లు జిల్లా విద్యాశాఖాధికారి (డీఈవో) అధికారిక ప్రకటన ద్వారా వెల్లడించారు.
జిల్లా పరిధిలోని ప్రభుత్వ, ప్రైవేటు, ఎయిడెడ్ మరియు కార్పొరేట్ యాజమాన్యాల పరిధిలో నడుస్తున్న అన్ని ప్రాథమిక, ప్రాథమికోన్నత, ఉన్నత పాఠశాలలకు రేపు అక్టోబర్ ఇరవై ఏడవ తేదీ (మంగళవారం) మరియు ఎల్లుండు అక్టోబర్ ఇరవై ఎనిమిదవ తేదీ (బుధవారం) రెండు రోజుల పాటు సెలవు వర్తిస్తుందని స్పష్టం చేశారు. తుపాను తీవ్రత అధికంగా ఉండే సూచనలు ఉన్నందున యాజమాన్యాలన్నీ ఈ ఆదేశాలను విధిగా పాటించాలని సూచించారు.
తీరప్రాంత జిల్లాల్లో పెను గాలులతో పాటు భారీ నుంచి అత్యంత భారీ వర్షాలు కురిసే ప్రమాదమున్నందున విద్యార్థులు, ఉపాధ్యాయులు ఇళ్లకే పరిమితమై సురక్షితంగా ఉండాలని అధికారులు విజ్ఞప్తి చేశారు. తుపాను ప్రభావాన్ని నిరంతరం పర్యవేక్షిస్తూ తదుపరి పరిస్థితులకు అనుగుణంగా ఆదేశాలు ఉంటాయని తెలిపారు.