జన గళం ఎన్టీఆర్ జిల్లా/తిరువూరు బ్యూరో: ఎన్టీఆర్ జిల్లా తిరువూరు మున్సిపాలిటీ ఎన్నికల ఓట్ల లెక్కింపులో రౌండ్లవారీ ఫలితాలు వేగంగా వెలువడుతున్నాయి. ఇప్పటివరకు అధికారికంగా లెక్కింపు పూర్తయిన 11 వార్డుల ఫలితాల్లో ఎన్డీఏ కూటమి భాగస్వామ్య పక్షాలు మెజారిటీ స్థానాలను కైవసం చేసుకుని స్పష్టమైన ఆధిక్యతను ప్రదర్శిస్తున్నాయి. ప్రకటించిన 11 స్థానాల్లో కూటమి అభ్యర్థులు ఏకంగా 7 వార్డుల్లో విజయకేతనం ఎగురవేశారు.
తెలుగుదేశం పార్టీ 5 వార్డులను గెలుచుకోగా, భారతీయ జనతా పార్టీ 1 వార్డు, జనసేన పార్టీ 1 వార్డు (6వ వార్డులో వడ్డే సింధు)లలో విజయం సాధించాయి. మిగిలిన వార్డుల్లో స్వతంత్రులు 2 చోట్ల, వైఎస్సార్‌సీపీ ఒక వార్డులో, సీపీఎం ఒక వార్డులో గెలుపొందాయి.
తిరువూరు మున్సిపాలిటీ – వెల్లడైన వార్డుల విజేతల జాబితా:
- 1వ వార్డు: భారతీయ జనతా పార్టీ (BJP) విజయం
- 2వ వార్డు: తెలుగుదేశం పార్టీ (TDP) విజయం
- 5వ వార్డు: స్వతంత్ర అభ్యర్థి (Independent) విజయం
- 6వ వార్డు: జనసేన పార్టీ (JSP – వడ్డే సింధు) విజయం
- 9వ వార్డు: తెలుగుదేశం పార్టీ (TDP) విజయం
- 10వ వార్డు: వైఎస్సార్ కాంగ్రెస్ పార్టీ (YSRCP) విజయం
- 13వ వార్డు: సీపీఎం (CPM) విజయం
- 17వ వార్డు: తెలుగుదేశం పార్టీ (TDP) విజయం
- 18వ వార్డు: తెలుగుదేశం పార్టీ (TDP) విజయం
- 25వ వార్డు: స్వతంత్ర అభ్యర్థి (Independent) విజయం
- 26వ వార్డు: తెలుగుదేశం పార్టీ (TDP) విజయం
పార్టీల వారీగా తాజా బలాబలాలు (11 వార్డులకు):
- తెలుగుదేశం పార్టీ (TDP): 5
- భారతీయ జనతా పార్టీ (BJP): 1
- జనసేన పార్టీ (JSP): 1
- (కూటమి మొత్తం స్థానాలు: 7)
- ఇండిపెండెంట్లు (IND): 2
- వైఎస్సార్‌సీపీ (YSRCP): 1
- సీపీఎం (CPM): 1
మిగిలిన వార్డుల లెక్కింపు ముమ్మరంగా కొనసాగుతోంది. మెజారిటీ వార్డుల్లో కూటమి అభ్యర్థులే ఆధిక్యం కనబరచడంతో పట్టణంలో కూటమి శ్రేణులు విజయోత్సవ వేడుకలకు సిద్ధమవుతున్నారు.