జన గళం రాజకీయ విభాగం, ఆంధ్రప్రదేశ్: ఆంధ్రప్రదేశ్ రాష్ట్ర రాజకీయాల్లో జనసేన పార్టీ సరికొత్త ప్రభంజనం సృష్టిస్తోంది. ఆంధ్రప్రదేశ్ ఉప ముఖ్యమంత్రి, జనసేనాని శ్రీ పవన్ కళ్యాణ్ గారి నాయకత్వం, ఆయన ప్రజా సంక్షేమ పాలన పట్ల ప్రజల్లో, వివిధ వర్గాల్లో పెరుగుతున్న ఆదరణతో పార్టీ వైపు భారీగా చేరికలు ఊపందుకుంటున్నాయి. రాబోయే రోజుల్లో రాష్ట్రవ్యాప్తంగా ఎవరూ ఊహించని రీతిలో కీలక నేతలు, మాజీ ప్రజాప్రతినిధులు, యువత పెద్ద ఎత్తున జనసేన గూటికి చేరేందుకు సన్నాహాలు చేసుకుంటున్నారు.
గ్రామ స్థాయి నుంచి నగర స్థాయి వరకు రోజురోజుకూ జనసేన బలం అమాంతం పెరుగుతోంది. ముఖ్యంగా కూటమి ప్రభుత్వంలో పవన్ కళ్యాణ్ గారు చేపడుతున్న అభివృద్ధి, ప్రజా సమస్యల పరిష్కార తీరుకు ఆకర్షితులై వివిధ పార్టీల ముఖ్య నాయకులు జనసేన కండువా కప్పుకోవడానికి ఉత్సాహం చూపుతున్నారు. నియోజకవర్గాల వారీగా ఇప్పటికే చేరికల జాబితాలు సిద్ధమైనట్లు తెలుస్తుండగా, ఈ పరిణామం రాష్ట్రవ్యాప్తంగా సరికొత్త రాజకీయ సమీకరణాలకు దారితీస్తోంది. క్షేత్రస్థాయిలో జనసేన పార్టీ అప్రతిహతంగా దూసుకుపోతుండటంతో పార్టీ శ్రేణుల్లో నయా జోష్ కనిపిస్తోంది.
