జన గళం ఆంధ్రప్రదేశ్ డెస్క్: దివంగత మాజీ మంత్రి, గాంధేయవాది శ్రీ మండలి వెంకటకృష్ణారావు గారి శతజయంతి ఉత్సవాలు అత్యంత ఘనంగా, వైభవంగా జరిగాయి. ఈ విశిష్ట వేడుకల సందర్భంగా జనసేన పార్టీ నాయకులు, చిరంజీవి యువత అధ్యక్షులు శ్రీ పద్యాల వెంకటప్రసాద్ గారిని అవనిగడ్డ నియోజకవర్గ శాసనసభ్యులు శ్రీ మండలి బుద్ధప్రసాద్ గారు, యువ నాయకులు శ్రీ మండలి వెంకట్రామ్ గారు ఘనంగా సత్కరించి గౌరవించారు.
శాలువా కప్పి, జ్ఞాపికను అందజేసి తమను ఆత్మీయంగా సత్కరించినందుకు ఎమ్మెల్యే మండలి బుద్ధప్రసాద్ గారికి, మిత్రులు మండలి వెంకట్రామ్ గారికి పద్యాల వెంకటప్రసాద్ హృదయపూర్వక కృతజ్ఞతలు తెలియజేశారు. ప్రజాసేవారంగంలో మండలి వెంకటకృష్ణారావు గారు నిలిపిన విలువలు, అందించిన నిస్వార్థ సేవలు భావితరాలకు నిరంతరం ఆదర్శప్రాయమని ఆయన కొనియాడారు. తెలుగు భాషాభివృద్ధికి, దివిసీమ ప్రజల సంక్షేమానికి మండలి కుటుంబం అందిస్తున్న సేవలు వెలకట్టలేనివని పేర్కొన్నారు. ఈ కార్యక్రమంలో పలువురు నాయకులు, స్థానిక ప్రముఖులు పాల్గొన్నారు.
