జన గళం ఆంధ్రప్రదేశ్ డెస్క్: మచిలీపట్నం నియోజకవర్గంలో కూటమి బలాన్ని మరింత పటిష్టం చేసే దిశగా నేడు కీలక విస్తృత స్థాయి సమావేశం జరగనుంది. ఈ రోజు సాయంత్రం 4:00 గంటలకు స్థానిక రెవెన్యూ కల్యాణ మండపం వేదికగా తెలుగుదేశం, జనసేన, భారతీయ జనతా పార్టీల ముఖ్య నాయకులు, కార్యకర్తల సమన్వయ భేటీని ఏర్పాటు చేశారు.
రాబోయే స్థానిక ఎన్నికల సన్నద్ధత, ప్రభుత్వ సంక్షేమ పథకాలను క్షేత్రస్థాయిలోకి తీసుకెళ్లడంపై ఈ సమావేశంలో దిశానిర్దేశం చేయనున్నారు. ఈ కార్యక్రమానికి జనసేన నాయకులు, కార్యకర్తలు, వీర మహిళలు, జనసైనికులు మరియు మెగా అభిమానులు హాజరై జయప్రదం చేయాలని మచిలీపట్నం జనసేన పార్టీ కార్యాలయం పిలుపునిచ్చింది. సమావేశానికి విచ్చేసే ప్రతి జనసేన నాయకుడు, సైనికుడు, వీర మహిళ తప్పనిసరిగా ఎర్ర తువ్వాలు ధరించి తరలిరావాలని ప్రత్యేకంగా విజ్ఞప్తి చేశారు.
