రచన: TVR విఠల్, జన గళం గుంటూరు డెస్క్: ప్రముఖులు అదూరి శ్రీనివాస్ గారి మాతృమూర్తి అదూరి పార్వతమ్మ గారు ఈ నెల 17వ తేదీన పరమపదించిన విషయం తెలిసిందే. ఈ క్రమంలో మంగళవారం రాష్ట్ర కాపు జేఏసీ అధ్యక్షులు శ్రీ చందు జనార్దన్ గుంటూరు లాల్‌పురంలోని వారి నివాసానికి స్వయంగా విచ్చేశారు.
లాల్‌పురంలోని గృహంలో అలంకరించిన దివంగత పార్వతమ్మ గారి చిత్రపటానికి చందు జనార్దన్ పూలమాలలు వేసి ఘనంగా శ్రద్ధాంజలి ఘటించారు. అనంతరం అదూరి శ్రీనివాస్ గారిని, వారి కుటుంబ సభ్యులను ఆత్మీయంగా పరామర్శించి ఓదార్చారు. మాతృవియోగం ఏ కుటుంబానికైనా తీరని లోటని, ఈ క్లిష్ట సమయంలో కుటుంబ సభ్యులంతా ధైర్యంగా ఉండాలని కోరారు. పార్వతమ్మ గారి పవిత్ర ఆత్మకు శాంతి చేకూరాలని భగవంతుడిని ప్రార్థిస్తూ, కుటుంబానికి తమ ప్రగాఢ సానుభూతిని తెలియజేశారు. ఈ పరామర్శ కార్యక్రమంలో స్థానిక ప్రముఖులు, కాపు సంఘం ప్రతినిధులు పాల్గొన్నారు.
