జన గళం ఆంధ్రప్రదేశ్ డెస్క్: డాక్టర్ బి.ఆర్. అంబేద్కర్ కోనసీమ జిల్లా రావులపాలెం మండలం పరిధిలోని ఈతకోట గ్రామంలో జాతిపిత మహాత్మా గాంధీ 157వ జయంతి వేడుకలను అత్యంత ఘనంగా నిర్వహించారు. ఈ సందర్భంగా గ్రామ పంచాయతీ కార్యాలయం వద్ద గ్రామ ప్రత్యేక అధికారి శ్రీ వి.వి.ఎన్. వీరేష్ గారి అధ్యక్షతన ప్రత్యేక గ్రామసభను నిర్వహించారు. మహాత్మా గాంధీ చిత్రపటానికి పూలమాలలు వేసి ఘనంగా నివాళులర్పించిన అనంతరం, గ్రామ అభివృద్ధి మరియు ప్రజా సమస్యల పరిష్కారాన్ని కోరుతూ స్థానికులు, నాయకులు అధికారులకు వినతిపత్రాలు సమర్పించారు.
ఈ కార్యక్రమం సందర్భంగా అధికారులు, కూటమి నాయకులు మరియు గ్రామ ప్రజలు మహాత్మా గాంధీ చిత్రపటానికి పూలమాలలు వేసి, పుష్పాంజలి ఘటించి నివాళులర్పించారు. అనంతరం నిర్వహించిన గ్రామసభలో వక్తలు మాట్లాడుతూ.. మహాత్మా గాంధీ సిద్ధాంతాలు, ఆశయాలను ప్రతి ఒక్కరూ తమ జీవితంలో స్ఫూర్తిగా తీసుకుని ముందుకు సాగాలని పిలుపునిచ్చారు. సమాజంలో శాంతి, సామరస్యాల పరిరక్షణలో యువత బాధ్యతాయుతంగా వ్యవహరించాలని కోరారు. గాంధీజీ కలలుగన్న గ్రామ స్వరాజ్యం, పరిశుభ్రత మరియు సమానత్వం వంటి ఆశయాల సాధనకు ప్రతి ఒక్కరూ పునరంకితం కావాలని ఆకాంక్షించారు.
గ్రామంలో ప్రజలు ఎదుర్కొంటున్న పలు సమస్యల పరిష్కారాన్ని కోరుతూ స్థానికులు మరియు నాయకులు గ్రామసభ ద్వారా అధికారులకు వినతిపత్రాలు అందజేశారు. గ్రామ ప్రజల సమస్యలను త్వరితగతిన పరిష్కరించి, మౌలిక వసతుల కల్పనకు, గ్రామాభివృద్ధికి పూర్తిస్థాయిలో కృషి చేస్తామని పంచాయతీ అధికారులు భరోసా కల్పించారు. ఈ కార్యక్రమంలో గ్రామ పంచాయతీ కార్యదర్శి శ్రీ మాడుగుల సుందర రామలక్ష్మణశర్మ, ఏపీఓ శ్రీ గవర కవిత, జూనియర్ అసిస్టెంట్ శ్రీ బి.వి.వి.యస్.ఎన్. మూర్తి, టీడీపీ గ్రామ అధ్యక్షులు శ్రీ మిరియాల రాము, బీజేపీ గ్రామ అధ్యక్షులు శ్రీ గండ్రోతు వీరగోవిందరావు, ఆత్మా కమిటీ డైరెక్టర్ శ్రీ మట్టా వెంకటరమణ, మాజీ సర్పంచ్ శ్రీ మాధవరపు సాయిబాబా, టీడీపీ నాయకులు శ్రీ యర్రంశెట్టి నాగేశ్వరరావు (బుజ్జి), శ్రీ మానే దశరధుడు, ప్రజా సేవకుడు శ్రీ గండ్రోతు దుర్గాసురేష్, కూటమి నాయకులు, సచివాలయ ఉద్యోగులు, ఏఎన్‌ఎంలు, అంగన్వాడీ, ఆశా కార్యకర్తలు, గ్రామ పెద్దలు మరియు పెద్ద సంఖ్యలో మహిళలు, ప్రజలు పాల్గొన్నారు.
Slug: ravulapalem-ethakota-gandhi-jayanti-grama-sabha-petitions