రచన: జన గళం పెడన బ్యూరో: జనసేన పార్టీ ప్రధాన కార్యదర్శిగా బాధ్యతలు చేపట్టి విజయవంతంగా మొదటి సంవత్సరాన్ని పూర్తి చేసుకుని, నేడు రెండో సంవత్సరంలోకి అడుగుపెడుతున్న రామ్ తాళ్లూరికి పెడన నియోజకవర్గ జనసేన పార్టీ నాయకుడు లింగం నాగేశ్వరరావు హృదయపూర్వక శుభాకాంక్షలు తెలియజేశారు. రామ్ తాళ్లూరి వంటి సమర్థవంతమైన నాయకుడికి ఇంతటి కీలక బాధ్యతలను, బృహత్తర అవకాశాన్ని కల్పించిన జనసేన అధినేత, ఆంధ్రప్రదేశ్ ఉప ముఖ్యమంత్రి పవన్ కళ్యాణ్‌కు ఆయన ప్రత్యేక ధన్యవాదాలు తెలిపారు.
ఈ సందర్భంగా లింగం నాగేశ్వరరావు మాట్లాడుతూ.. గత ఏడాది కాలంగా రామ్ తాళ్లూరి నిరంతరం క్షేత్రస్థాయిలో పర్యటిస్తూ పార్టీ కోసం శ్రమిస్తున్న నిస్వార్థ జనసైనికులు, వీరమహిళలు, నాయకులను నేరుగా కలుసుకుని వారిలో కొండంత మనోధైర్యాన్ని నింపారని కొనియాడారు. పార్టీ పట్ల వారు చూపిస్తున్న నిబద్ధతను, ప్రజల పట్ల వారికున్న బాధ్యతను, పవన్ కళ్యాణ్ నాయకత్వంపై ఉన్న తిరుగులేని విశ్వాసాన్ని గుర్తించి.. వారి కృషికి తగిన గుర్తింపు లభిస్తుందనే భరోసా కల్పించారని పేర్కొన్నారు. జనసేనాని మార్గదర్శకత్వంలో అందరికీ అందుబాటులో ఉంటూ నాయకుడిగా విశేష ప్రజాదరణ పొందారని, రానున్న రోజుల్లో కూడా పార్టీ సంస్థాగత బలోపేతానికి, ప్రజాసేవకు మరింత అంకితభావంతో పనిచేస్తారని ఆకాంక్షించారు.
