జన గళం విజయవాడ బ్యూరో: విజయవాడ ఇంద్రకీలాద్రిపై కొలువుదీరిన జగన్మాత శ్రీ దుర్గా మల్లేశ్వర స్వామి వార్ల దేవస్థానంలో దసరా శరన్నవరాత్రి మహోత్సవాలు ఆదివారం అత్యంత వైభవంగా ప్రారంభమయ్యాయి. నవరాత్రుల మొదటి రోజైన ఆశ్వయుజ శుద్ధ పాడ్యమి సందర్భంగా కనకదుర్గమ్మ వారు భక్తులకు ‘శ్రీ బాలా త్రిపుర సుందరి దేవి’ దివ్య అలంకారంలో దర్శనమిచ్చారు. శ్రీచక్రంలోని తొలి ఆమ్నాయంలో కొలువైన బాలాదేవిని ఆరాధించడం వల్ల సకల విద్యా ప్రాప్తి, ఆయురారోగ్యాలు, మనశ్శాంతి లభిస్తాయని భక్తుల విశ్వాసం. తెల్లవారుజాము నుంచే భవానీ భక్తులు, భక్తజనం పవిత్ర కృష్ణా నదిలో పుణ్యస్నానాలు ఆచరించి అమ్మవారి దివ్య దర్శనానికి పోటెత్తారు. ఆలయ ఈవో శీనానాయక్ ఆధ్వర్యంలో భక్తులకు ఎటువంటి అసౌకర్యం కలగకుండా ప్రత్యేక క్యూలైన్లు, మంచినీరు, ప్రసాదం వంటి అన్ని ఏర్పాట్లను పకడ్బందీగా నిర్వహించారు.
ఇంద్రకీలాద్రిపై ప్రారంభమైన దసరా మహోత్సవాలు: మొదటి రోజు శ్రీ బాలా త్రిపుర సుందరి దేవిగా దర్శనమిచ్చిన దుర్గమ్మ!
Slug: dasara-sharannavaratri-day-1-indrakeeladri-kanaka-durga-sri-bala-tripura-sundari-devi-alankaram
