జన గళం కృత్తివెన్ను/మచిలీపట్నం బ్యూరో: కృష్ణా జిల్లా ఎస్పీ వి.విద్యాసాగర్ నాయుడు ఆదేశాల మేరకు, మచిలీపట్నం డీఎస్పీ ఏ.శ్రీనివాసరావు పర్యవేక్షణలో, పెడన సీఐ ఆధ్వర్యంలో కృత్తివెన్ను ఎస్ఐ ఏ.పైడిబాబు దొంగతనం కేసులో నిందితుడిని శనివారం అరెస్ట్ చేశారు. కృత్తివెన్ను పోలీసు స్టేషన్ నేర విభాగం పరిధిలోని క్రైమ్ నెంబర్ 197/2026 కింద నమోదైన కేసులో దర్యాప్తు చేపట్టి, తెలంగాణ రాష్ట్రం నిజామాబాద్ జిల్లా జక్రాన్‌పల్లి మండలం కాలిగట్ గ్రామానికి చెందిన సంపంగి రాజేంద్ర (29) అనే ముద్దాయిని అదుపులోకి తీసుకున్నారు. నిందితుడి వద్ద నుంచి చోరీకి గురైన 20 గ్రాముల బంగారు ఆభరణాలను రికవరీ చేశారు. అనంతరం నిందితుడిని రిమాండ్ నిమిత్తం బంటుమిల్లి జ్యుడీషియల్ ఫస్ట్ క్లాస్ మెజిస్ట్రేట్ ఎదుట హాజరుపరిచినట్లు కృత్తివెన్ను ఎస్ఐ ఏ.పైడిబాబు వెల్లడించారు.
దొంగతనం కేసులో నిందితుడి అరెస్ట్: 20 గ్రాముల బంగారం స్వాధీనం చేసుకున్న కృత్తివెన్ను పోలీసులు!
Slug: kruthivennu-police-arrest-thief-recover-20-grams-gold-bantumilli-court-remand
