జన గళం నూజివీడు బ్యూరో: ఆంధ్రప్రదేశ్ స్థానిక సంస్థల ఎన్నికల సమరానికి జనసేన పార్టీ సమాయత్తమవుతున్న తరుణంలో నూజివీడు నియోజకవర్గ కమిటీలో కీలక నియామకం జరిగింది. నూజివీడు అసెంబ్లీ నియోజకవర్గ స్థానిక ఎన్నికల కో-ఆర్డినేషన్ కమిటీ పరిధిలోని ‘నిర్వాహక్ దళ్’ సభ్యురాలిగా ప్రముఖ వీరమహిళా నాయకురాలు రామిశెట్టి తేజస్విని (పద్మజ) నియమితులయ్యారు. పార్టీ అధినేత, రాష్ట్ర ఉప ముఖ్యమంత్రి కొణిదల పవన్ కళ్యాణ్ ఆదేశాల మేరకు ఈ నియామక ఉత్తర్వులు వెలువడ్డాయి. తనపై నమ్మకంతో ఈ బాధ్యతను అప్పగించిన ఉప ముఖ్యమంత్రి పవన్ కళ్యాణ్‌కు రామిశెట్టి తేజస్విని హృదయపూర్వక కృతజ్ఞతలు తెలిపారు. స్థానిక సంస్థల ఎన్నికల్లో పార్టీ బలోపేతానికి, ప్రజా సమస్యల పరిష్కారానికి, కూటమి ప్రభుత్వ లక్ష్యాల సాధనకు తనవంతు కృషి చేస్తానని ఆమె స్పష్టం చేశారు. అధినేత నాయకత్వంలో నిరంతరం ప్రజాసేవకు పునరంకితం అవుతానని ఈ సందర్భంగా తేజస్విని పునరుద్ఘాటించారు.
నూజివీడు జనసేన నిర్వాహక్ దళ్ సభ్యురాలిగా రామిశెట్టి తేజస్విని: పవన్ కళ్యాణ్‌కు కృతజ్ఞతలు!
Slug: ramisetti-tejaswini-appointed-nuzvid-janasena-nirvahak-dal-thanks-pawan-kalyan
