జన గళం ఆంధ్రప్రదేశ్ డెస్క్: ఏలూరు జిల్లా చింతలపూడి నగర పంచాయతీ పరిధిలో రాజకీయ వాతావరణం వేడెక్కింది. రాబోయే ఎన్నికల్లో వైఎస్సార్ కాంగ్రెస్ పార్టీ తరఫున బీసీ సామాజిక వర్గానికి టికెట్ కేటాయిస్తే, అభ్యర్థిగా ఎవరిని ఎంపిక చేస్తారనే అంశంపై స్థానికంగా విస్తృతమైన చర్చ జరుగుతోంది. ఈ నేపథ్యంలో ప్రజా సమస్యలపై నిరంతరం స్పందించే నాయకుడిగా, సేవా తత్పరుడిగా గుర్తింపు పొందిన బండారు గోపి పేరు పట్టణంలో ప్రముఖంగా వినిపిస్తోంది. పార్టీ శ్రేణులు, స్థానికుల నుంచి ఆయన పేరుపై బలమైన మద్దతు వ్యక్తమవుతుండటంతో రాజకీయ వర్గాల్లో ఆసక్తి నెలకొంది.
బండారు గోపి మొదటి నుంచి నీతి, నిజాయితీలతో ప్రజలకు ఎల్లప్పుడూ అందుబాటులో ఉంటూ ప్రజా సేవలో ముందుంటున్నారని స్థానికులు కొనియాడుతున్నారు. కుల, మత, ప్రాంత బేధాలు చూడకుండా ఆపదలో ఉన్న ప్రతి ఒక్కరికీ అండగా నిలబడే వ్యక్తిగా ఆయన మంచి పేరు సంపాదించుకున్నారు. పట్టణ ప్రజలతో ఆయనకున్న సత్సంబంధాలు, సేవా దృక్పథం పార్టీ వర్గాల్లోనూ, ప్రజల్లోనూ ఆయన పట్ల సానుకూల వాతావరణాన్ని సృష్టించాయి. వైఎస్సార్‌సీపీ ఆవిర్భావం నుంచీ పార్టీ కార్యక్రమాల్లో ఎంతో చురుగ్గా పాల్గొంటూ వస్తున్న ఆయన, పార్టీ పిలుపునిచ్చిన ప్రతి పోరాటంలోనూ ముందుండి నడిపిస్తూ శ్రేణుల్లో ఉత్సాహం నింపుతున్నారు.
అటు పార్టీ సీనియర్ నాయకులతోనూ, ఇటు కార్యకర్తలతోనూ చక్కటి సమన్వయం పాటిస్తూ పార్టీ బలోపేతానికి విశేషంగా కృషి చేస్తున్నారని నాయకులు పేర్కొంటున్నారు. ఆర్థికంగా, అంగబలంగా పటిష్టంగా ఉండటంతోపాటు పార్టీ సీనియర్ నేతల ఆశీస్సులు మెండుగా ఉండటం ఆయనకు ప్రధాన బలంగా మారింది. పార్టీకి ఆయన అందించిన నిస్వార్థ సేవలను పరిగణనలోకి తీసుకుని, ఈసారి బీసీ సామాజిక వర్గానికి కేటాయించే టికెట్‌ను బండారు గోపికి కేటాయించాలని పార్టీ శ్రేణులు, స్థానిక ప్రజలు బలంగా కోరుకుంటున్నారు. నగర పంచాయతీ సమగ్ర అభివృద్ధికి, స్థానిక సమస్యల పరిష్కారానికి ఆయన సరైన నాయకుడని భావిస్తున్న తరుణంలో, అధిష్టానం ఎవరి వైపు మొగ్గు చూపుతుందనేది ఆసక్తికరంగా మారింది.
Slug: chintalapudi-ysrcp-candidature-discussion-bandaru-gopi-bc-quota