జన గళం ప్రత్యేక కథనం: కాకినాడ జిల్లా ప్రత్తిపాడు నియోజకవర్గంలోని ఏలేశ్వరం పట్టణ ప్రజలకు మెరుగైన తాగునీటి సదుపాయాలు కల్పించేందుకు రూ.61.84 కోట్ల వ్యయంతో చేపట్టనున్న సమగ్ర తాగునీటి పథకానికి అక్టోబర్‌ 13న శంకుస్థాపన కార్యక్రమం నిర్వహించారు. ఈ కార్యక్రమంలో ప్రత్తిపాడు శాసనసభ్యురాలు వరుపుల సత్యప్రభతో కలిసి జనసేన పార్టీ రాష్ట్ర సంయుక్త కార్యదర్శి, నియోజకవర్గ సమన్వయకర్త మేడిశెట్టి సూర్య కిరణ్‌ పాల్గొన్నారు.
పట్టణ ప్రజలకు మెరుగైన తాగునీటి సరఫరా అందించడం, తాగునీటి సమస్యలను పరిష్కరించడం ఈ పథకం ప్రధాన లక్ష్యమని కార్యక్రమంలో పాల్గొన్న నాయకులు తెలిపారు. పథకం పూర్తయిన అనంతరం ప్రజలకు మరింత మెరుగైన తాగునీటి సదుపాయాలు అందుబాటులోకి వస్తాయని ఆశాభావం వ్యక్తం చేశారు.
కార్యక్రమంలో ఏలేశ్వరం మండల జనసేన పార్టీ అధ్యక్షుడు, లింగంపర్తి పీఏసీఎస్‌ చైర్మన్‌ పెంటకోట మోహన్‌, మండల ప్రధాన కార్యదర్శి గంగిరెడ్ల మణికంఠ, ఉపాధ్యక్షుడు పలివెల వెంకటేష్‌, జగ్గంపేట బ్లాక్‌ ఏటీఎంఏ కమిటీ సభ్యుడు మాగాపు వీరబాబు, పట్టణ నాయకులు బంక కోదండ రాంబాబు, కరణం నాగార్జున, రమణ, మండల కార్యదర్శి ఆకుల నాని తదితరులు పాల్గొన్నారు.
డేగల సత్యనారాయణ, వరుపుల నాగేశ్వరరావు, తేజా, లారా, కూటమి నాయకులు, జనసేన కార్యకర్తలు, స్థానిక ప్రజలు కూడా హాజరయ్యారు. కార్యక్రమానికి సహకరించి పాల్గొన్న ప్రతి ఒక్కరికీ మేడిశెట్టి సూర్య కిరణ్‌ కృతజ్ఞతలు తెలిపారు.