జన గళం కృష్ణా జిల్లా/పెడన బ్యూరో: పెడన పురపాలక సంఘం ఎన్నికల్లో ఎన్డీఏ కూటమి సాధించిన అఖండ విజయంపై పెడన శాసనసభ్యులు శ్రీ కాగిత కృష్ణ ప్రసాద్ గారు స్పందించారు. కూటమి ప్రభుత్వ సుపరిపాలనపై సంపూర్ణ విశ్వాసం ఉంచి చారిత్రాత్మక తీర్పును అందించిన పెడన పురపాలక ప్రజలందరికీ ఆయన హృదయపూర్వక కృతజ్ఞతలు, ధన్యవాదాలు తెలియజేశారు.
ఈ సందర్భంగా పెడన మున్సిపల్ చైర్మన్‌గా ఘన విజయం సాధించిన శ్రీమతి బల్లా జ్ఞాన లింగ జ్యోత్స్న రాణి గారికి, అలాగే విజయం సాధించిన కూటమి కౌన్సిలర్ అభ్యర్థులందరికీ ఆయన ప్రత్యేక అభినందనలు తెలియజేశారు.
ఎమ్మెల్యే కాగిత కృష్ణ ప్రసాద్ గారి ప్రకటన ముఖ్యాంశాలు:
- ప్రజల తీర్పుకు శిరస్సు వంచి నమస్కారం: సంక్షేమం, సమగ్ర అభివృద్ధి కేవలం ఎన్డీఏ కూటమి ప్రభుత్వం ద్వారానే సాధ్యమవుతుందని నమ్మి, కూటమిపై అపారమైన విశ్వాసంతో ఇంతటి మహత్తరమైన తీర్పునిచ్చిన పెడన ప్రజలకు ఎల్లప్పుడూ రుణపడి ఉంటానని పేర్కొన్నారు.
- నమ్మకాన్ని వమ్ము చేయబోం: పెడన పట్టణ ప్రజలు కూటమిపై ఉంచిన విశ్వాసాన్ని నిలబెట్టుకుంటామని, ప్రజల ఆకాంక్షలకు అనుగుణంగా రెట్టింపు ఉత్సాహంతో పెడన పట్టణ సర్వతోముఖాభివృద్ధికి నిరంతరం కృషి చేస్తామని ఎమ్మెల్యే స్పష్టం చేశారు.
- విజేతలకు అభినందనలు: చైర్మన్‌గా రికార్డు మెజార్టీతో గెలుపొందిన బల్లా జ్ఞాన లింగ జ్యోత్స్న రాణి గారితో పాటు గెలుపొందిన కూటమి అభ్యర్థులందరూ సమన్వయంతో వార్డుల అభివృద్ధికి బాటలు వేయాలని ఆకాంక్షించారు.