జన గళం తూర్పుగోదావరి/రాజమహేంద్రవరం బ్యూరో: ఆంధ్రప్రదేశ్ పట్టణ స్థానిక సంస్థల ఎన్నికల ఫలితాల్లో తూర్పుగోదావరి జిల్లా వ్యాప్తంగా ఎన్డీఏ కూటమి రికార్డు స్థాయి ఏకపక్ష ప్రభంజనం సృష్టించింది. జిల్లాలోని మూడు ప్రధాన మున్సిపాలిటీల పరిధిలోని మొత్తం 96 వార్డుల్లో కూటమి తిరుగులేని ఆధిపత్యాన్ని చాటగా, ప్రధాన ప్రతిపక్షమైన వైఎస్సార్ కాంగ్రెస్ పార్టీకి కోలుకోలేని గట్టిషాక్ తగిలింది. జిల్లావ్యాప్తంగా పోటీ జరిగిన 96 వార్డుల్లో వైకాపా కేవలం 3 వార్డులకే పరిమితమై అడ్రస్ గల్లంతయ్యే దుస్థితికి చేరింది.
మండపేట మున్సిపాలిటీలో 36కి 36 వార్డులను క్లీన్ స్వీప్ చేసి కూటమి చారిత్రక రికార్డు సృష్టించగా, కొవ్వూరులోనూ 28 వార్డులకు గాను 27 వార్డులను కూటమి కైవసం చేసుకుంది. నిడదవోలులో జనసేన, టీడీపీల సంయుక్త బలంతో మున్సిపల్ పీఠం కూటమి వశమైంది.
తూర్పుగోదావరి జిల్లా మున్సిపాలిటీల వారీగా సమగ్ర ఫలితాలు:
1. మండపేట మున్సిపాలిటీ (మొత్తం 36 వార్డులు):
- ఎన్డీఏ కూటమి: 36 / 36 వార్డులు కైవసం (చారిత్రక 100% క్లీన్ స్వీప్)
- వైఎస్సార్ కాంగ్రెస్ పార్టీ: 0 (పూర్తిగా తుడిచిపెట్టుకుపోయిన ప్రతిపక్షం)
2. కొవ్వూరు మున్సిపాలిటీ (మొత్తం 28 వార్డులు):
- ఎన్డీఏ కూటమి: 27 వార్డులు (భారీ ఏకపక్ష ఆధిక్యతతో పురపీఠం కైవసం)
- స్వతంత్ర అభ్యర్థి: 1 వార్డు విజయం
- వైఎస్సార్ కాంగ్రెస్ పార్టీ: 0 (ఖాతా తెరవని వైకాపా)
3. నిడదవోలు మున్సిపాలిటీ (మొత్తం 32 వార్డులు):
- జనసేన పార్టీ (JSP): 14 వార్డులు (అత్యధిక స్థానాలతో సింగిల్ లార్జెస్ట్ పార్టీ)
- తెలుగుదేశం పార్టీ (TDP): 13 వార్డులు
- భారతీయ జనతా పార్టీ (BJP): 1 వార్డు
- కూటమి మొత్తం స్థానాలు: 28 వార్డులు (నిడదవోలు మున్సిపాలిటీ కూటమి కైవసం)
- వైఎస్సార్ కాంగ్రెస్ పార్టీ: 3 వార్డులు
- రీకౌంటింగ్: 1 వార్డులో తీవ్ర ఉత్కంఠ నడుమ ఓట్ల పునఃలెక్కింపు కొనసాగుతోంది.