మదనపల్లె: డ్రగ్స్ నిర్మూలన, ఎన్.డి.పీ.ఎస్ (NDPS) కేసుల దర్యాప్తులో విశేష సేవలందించిన అన్నమయ్య జిల్లా పోలీసు శాఖకు చెందిన ‘ఈగల్ సెల్’ సభ్యుడు పి. శ్రీనివాసులుకు రాష్ట్రస్థాయిలో ప్రతిష్ఠాత్మక “ఈగల్ ఎక్సలెన్స్ అవార్డు” వరించింది. విజయవాడలో జరిగిన ఒక ప్రత్యేక కార్యక్రమంలో ఈగల్ ఐజీపీ శ్రీ ఆకే. రవికృష్ణ (ఐపీఎస్) గారి సమక్షంలో రాష్ట్ర హోంమంత్రి శ్రీమతి వంగలపూడి అనిత గారి చేతుల మీదుగా ఆయన ఈ పురస్కారాన్ని అందుకున్నారు.
శ్రీనివాసులును అభినందించిన జిల్లా ఎస్పీ ప్రతిష్ఠాత్మక అవార్డును సాధించి అన్నమయ్య జిల్లా పోలీసు శాఖకు మంచి పేరు తెచ్చిన శ్రీనివాసులును బుధవారం మదనపల్లెలో జిల్లా ఎస్పీ శ్రీ ధీరజ్ కునుబిల్లి (ఐపీఎస్) గారు ప్రత్యేకంగా అభినందించారు. ఈ సందర్భంగా ఎస్పీ గారు మాట్లాడుతూ.. ప్రతి పోలీసు అధికారి శ్రీనివాసులును స్ఫూర్తిగా, ఆదర్శంగా తీసుకోవాలని సూచించారు. జిల్లాను పూర్తిగా డ్రగ్స్ రహిత (Drug-free) జిల్లాగా తీర్చిదిద్దడమే ప్రధాన లక్ష్యంగా పెట్టుకుని, సిబ్బంది అంతా మరింత అంకితభావంతో పనిచేయాలని ఆయన దిశానిర్దేశం చేశారు.
SLUG: Annamayya district Eagle Cell member P. Srinivasulu receives the state-level Eagle Excellence Award from Home Minister Vangalapudi Anitha for his dedicated services in drug eradication.