పెడన:
మండలంలో జరుగుతున్న జడ్పీటీసీ, ఎంపీటీసీ ఎన్నికల పోలింగ్ సరళిని పెడన శాసనసభ్యులు కాగిత కృష్ణ ప్రసాద్, జనసేన పార్టీ నియోజకవర్గ సమన్వయకర్తలు అంక్యం లక్ష్మీ శ్రీనివాస్, లింగం నాగేశ్వరరావు గురువారం పరిశీలించారు.
ఈ సందర్భంగా మండలంలోని పలు గ్రామాల్లో వారు సుడిగాలి పర్యటన చేపట్టారు. కూటమి తరఫున పోటీ చేస్తున్న జడ్పీటీసీ, ఎంపీటీసీ అభ్యర్థులతో మాట్లాడి పోలింగ్ జరుగుతున్న తీరును తెలుసుకున్నారు. పోలింగ్ కేంద్రాల వద్ద ఓటింగ్ ప్రశాంతంగా జరిగేలా చూడాలని, ఓటర్లకు ఎటువంటి ఇబ్బందులు కలగకుండా సమన్వయంతో వ్యవహరించాలని అభ్యర్థులు, ఏజెంట్లకు పలు సూచనలు చేశారు.
ఈ కార్యక్రమంలో కూటమి నాయకులు, కార్యకర్తలు, జనసైనికులు మరియు ఆయా గ్రామాల ప్రజలు పెద్ద సంఖ్యలో పాల్గొన్నారు.