జన గళం ఆంధ్రప్రదేశ్ డెస్క్: జనసేన పార్టీ అధినేత, ఆంధ్రప్రదేశ్ రాష్ట్ర ఉప ముఖ్యమంత్రివర్యులు శ్రీ కొణిదెల పవన్ కళ్యాణ్ గారి రాజకీయ కార్యదర్శి, గౌరవ శాసనమండలి సభ్యులు (MLC) శ్రీ పిడుగు హరిప్రసాద్ గారిని జనసేన పార్టీ రాష్ట్ర కార్యదర్శి అమ్మిశెట్టి వాసు ఈరోజు మర్యాదపూర్వకంగా కలిశారు. వారి స్వగృహంలో ఈ భేటీ ఆత్మీయ వాతావరణంలో జరిగింది.
ఈ సందర్భంగా పార్టీ సంస్థాగత బలోపేతం, క్షేత్రస్థాయిలో పార్టీ కార్యక్రమాల విస్తరణ తదితర అంశాలపై ఇరువురు చర్చించారు. ఉప ముఖ్యమంత్రి పవన్ కళ్యాణ్ గారి నేతృత్వంలో కూటమి ప్రభుత్వం అమలు చేస్తున్న ప్రజా సంక్షేమ కార్యక్రమాలను క్షేత్రస్థాయిలోకి మరింత సమర్థవంతంగా తీసుకెళ్లడంపై ఎమ్మెల్సీ పిడుగు హరిప్రసాద్ గారితో అమ్మిశెట్టి వాసు చర్చలు జరిపారు. పార్టీ అభివృద్ధికి నాయకులు, కార్యకర్తలు సమిష్టిగా కృషి చేయాలని ఈ సందర్భంగా వారు ఆకాంక్షించారు.
