జన గళం ఆంధ్రప్రదేశ్ డెస్క్: విజయవాడ ఉత్సవ్‌లో పాల్గొనేందుకు విచ్చేసిన తమిళనాడు ముఖ్యమంత్రి శ్రీ సి. జోసెఫ్ విజయ్, ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడితో క్యాంప్ ఆఫీసులో మర్యాదపూర్వకంగా సమావేశమయ్యారు. ఈ భేటీలో ప్రధానంగా గోదావరి-కావేరి నదుల అనుసంధానం యొక్క ఆవశ్యకతను సీఎం చంద్రబాబు నాయుడు వివరించారు. ఈ నదుల అనుసంధానం కరువుకు శాశ్వత పరిష్కారంగా మారుతుందని ఆయన అభివర్ణించారు.
ఈ సందర్భంగా తెలుగు గంగ ద్వారా చెన్నై నగరానికి మరింతగా తాగునీరు విడుదల చేయాలని తమిళనాడు సీఎం విజయ్ విజ్ఞప్తి చేశారు. దీనిపై స్పందించిన సీఎం చంద్రబాబు, ఈ ఏడాది ఎల్‌నినో ప్రభావంతో కృష్ణా జలాల ప్రవాహం తగ్గి తీవ్రమైన నీటి ఎద్దడి నెలకొన్నప్పటికీ, చెన్నై ప్రజల దాహార్తి తీర్చే విషయంలో ఏపీ ప్రభుత్వం ఎప్పుడూ సానుకూలంగా ఉంటుందని స్పష్టం చేశారు. ఇప్పటికే చెన్నై నగరానికి 4.08 టీఎంసీల నీటిని విడుదల చేసినట్లు గుర్తుచేశారు. భవిష్యత్తులో నీటి లభ్యత మరియు అవసరాలకు అనుగుణంగా మరికొంత నీటిని విడుదల చేయడంపై కూడా సానుకూలంగా ఆలోచిస్తామని ఆయన హామీ ఇచ్చారు