జన గళం ఉత్తరాంధ్ర బ్యూరో: ఉమ్మడి విజయనగరం జిల్లా రాజకీయాల్లో చక్రం తిప్పిన బలమైన నేత, ఇటీవలే పచ్చ కండువా కప్పుకున్న చిన్న శ్రీనుకు అరకు పార్లమెంట్ పరిశీలకుడి బాధ్యతలు అప్పగించడం ఉత్తరాంధ్ర రాజకీయాల్లో తీవ్ర చర్చనీయాంశంగా మారింది. పార్టీలో చేరిన నెల రోజులకే ప్రభుత్వ భద్రతతో పాటు అరకు పరిశీలకుడిగా నియమించడం వెనుక టీడీపీ అధినేత నారా చంద్రబాబు నాయుడి పక్కా పొలిటికల్ ఇంజనీరింగ్ దాగుందన్న విశ్లేషణలు వెల్లువెత్తుతున్నాయి. సొంత జిల్లాలో కూటమి ఎమ్మెల్యేల ఆధిపత్యం నడుస్తున్న వేళ పాత, కొత్త నేతల మధ్య విభేదాలు రాకుండా చూడటంతో పాటు, గత సార్వత్రిక ఎన్నికల్లోనూ కూటమికి కొరుకుడు పడని అరకు పార్లమెంట్ స్థానంలో వైఎస్సార్‌సీపీ కంచుకోటను బద్దలు కొట్టేందుకే చిన్న శ్రీనును రంగంలోకి దించినట్లు తెలుస్తోంది. క్షేత్రస్థాయిలో దూకుడుగా వ్యవహరించే చిన్న శ్రీను ఏజెన్సీలో చేపట్టబోయే ‘పొలిటికల్ కూంబింగ్’ ఎలాంటి రాజకీయ ఫలితాలను ఇస్తుందనేది ఆసక్తికరంగా మారింది.
అరకు’ కొండల్లో చిన్న శ్రీను పొలిటికల్ కూంబింగ్: చంద్రబాబు పక్కా వ్యూహమా.. సొంత జిల్లా సమన్వయ లెక్కలా?
Slug: chinna-srinu-araku-parliament-observer-chandrababu-political-strategy-north-andhra
