విజయవాడ తూర్పు జనసేన సమన్వయకర్తలు మండలి రాజేష్, రావి సౌజన్యలకు అభినందనల వెల్లువ: శుభాకాంక్షలు తెలిపిన టాక్స్ కన్సల్టెంట్ పాలంకి రామారావు, రాష్ట్ర KR టీం!

జన గళం విజయవాడ బ్యూరో: ఆంధ్రప్రదేశ్ రాష్ట్రంలో త్వరలో జరగనున్న స్థానిక సంస్థల ఎన్నికల సమరానికి జనసేన పార్టీ వేగంగా సన్నాహాలు పూర్తి చేస్తోంది. క్షేత్రస్థాయి నుంచి వార్డులు, డివిజన్ల రాజకీయ సమాచారాన్ని సమగ్రంగా సేకరించి విజయవాడ పార్లమెంట్ కో-ఆర్డినేషన్ కమిటీకి ఎప్పటికప్పుడు నివేదించేందుకు గాను, జనసేన పార్టీ అధ్యక్షులు, గౌరవ ఉప ముఖ్యమంత్రి శ్రీ కొణిదల పవన్ కళ్యాణ్ గారి ఆదేశాల మేరకు విజయవాడ తూర్పు అసెంబ్లీ నియోజకవర్గ సమన్వయ కమిటీని అధికారికంగా ప్రకటించిన సంగతి తెలిసిందే. ఈ క్రమంలో విజయవాడ తూర్పు నియోజకవర్గ జనసేన సమన్వయకర్తలుగా కీలక బాధ్యతలు దక్కించుకున్న శ్రీ మండలి రాజేష్ మరియు శ్రీమతి రావి సౌజన్య గార్లకు వివిధ రంగాల ప్రముఖుల నుంచి విశేష అభినందనలు వెల్లువెత్తుతున్నాయి. ప్రముఖ టాక్స్ కన్సల్టెంట్ శ్రీ పాలంకి రామారావు గారితో పాటు రాష్ట్ర కె.ఆర్ (KR) టీం సభ్యులు నూతన సమన్వయకర్తలకు మనస్ఫూర్తిగా హృదయపూర్వక అభినందనలు తెలియజేశారు. ప్రజా సమస్యలపై రాజీలేని పోరాటం చేస్తూ పార్టీ పట్ల నిబద్ధతతో పనిచేసే నాయకులకు ఈ బాధ్యతలు అప్పగించడం శుభపరిణామమని, రాబోయే స్థానిక సంస్థల ఎన్నికల్లో విజయవాడ తూర్పు గడ్డపై కూటమి జెండాను సగర్వంగా ఎగురవేయడంలో వీరి నాయకత్వం విజయవంతం కావాలని వారు ఆకాంక్షించారు.