జన గళం ఎంటర్టైన్మెంట్ డెస్క్: హైదరాబాద్ వేదికగా మెగాస్టార్ చిరంజీవి అభిమానుల సంఘం ఆధ్వర్యంలో నిర్వహించిన మెగా ఫోర్సు ముఖ్య అభిమానుల ఆత్మీయ సమావేశం అత్యంత వైభవంగా జరిగింది. ఈ ప్రత్యేక వేడుకకు నగరంలోని వివిధ ప్రాంతాల నుంచి మెగా అభిమానులు, ప్రముఖులు పెద్ద సంఖ్యలో తరలివచ్చి సందడి చేశారు. తెలుగు చలనచిత్ర పరిశ్రమలో మెగా కుటుంబం సాధిస్తున్న విజయాలు, సేవా కార్యక్రమాలపై ఈ సమావేశంలో విస్తృతంగా చర్చించారు. అభిమానుల మధ్య పరస్పర అభినందనలు, భవిష్యత్ కార్యాచరణపై చర్చలతో ఈ సమ్మేళనం ఎంతో ఉత్సాహభరితంగా సాగింది.
ఈ ఆత్మీయ సమావేశంలో భాగంగా ఇటువల విజయవాడ శ్రీ దుర్గా మల్లేశ్వర స్వామి వార్ల దేవస్థానం (కనకదుర్గ అమ్మవారి) ట్రస్ట్ బోర్డు ప్రత్యేక ఆహ్వానితులుగా నియమితులైన కొణిదెల సుస్మితను ఘనంగా సత్కరించారు. ఈ ప్రత్యేక ఘట్టంలో ప్రముఖ యువ నాయకుడు తరుణ్ సంపర స్వయంగా పాల్గొని కొణిదెల సుస్మితకు విజయవాడ ఇంద్రకీలాద్రి కనకదుర్గ అమ్మవారి పవిత్ర శేషవస్త్రాలు మరియు అమ్మవారి ప్రసాదాలను భక్తిశ్రద్ధలతో అందజేశారు. ఇటువంటి అరుదైన మరియు ఆధ్యాత్మిక ప్రాధాన్యం ఉన్న కార్యక్రమం మెగా అభిమానుల్లో నూతనోత్సాహాన్ని నింపింది.
ఈ కార్యక్రమంలో పాల్గొన్న ప్రముఖులు మాట్లాడుతూ ఆధ్యాత్మిక క్షేత్రమైన విజయవాడ కనకదుర్గమ్మ సేవలో పాల్గొనే అవకాశం రావడం అదృష్టమని అభిప్రాయపడ్డారు. మెగా కుటుంబానికి అభిమానులు అందిస్తున్న మద్దతు ఎప్పటికీ ఇలాగే ఉంటుందని ఈ వేదిక ద్వారా మరోసారి నిరూపితమైంది. సమావేశానికి విచ్చేసిన పలువురు ప్రముఖులు సుస్మితను అభినందించగా, అభిమానుల కేరింతలు, నినాదాలతో సభా ప్రాంగణం మార్మోగింది.