జన గళం ఆంధ్రప్రదేశ్ డెస్క్: కృష్ణా జిల్లా పామర్రు నియోజకవర్గం, తోట్లవల్లూరు మండలం రొయ్యూరు గ్రామానికి చెందిన ప్రముఖులు ఆరెపల్లి శ్రీనివాసరావు అనారోగ్య కారణాలతో మంగళవారం తుదిశ్వాస విడిచారు. ఆయన మరణవార్త తెలిసిన వెంటనే పామర్రు నియోజకవర్గ మాజీ శాసనసభ్యులు కైలే అనిల్ కుమార్ రొయ్యూరు గ్రామానికి చేరుకుని శ్రీనివాసరావు పార్థివదేహాన్ని సందర్శించి పూలమాలలు వేసి ఘనంగా నివాళులర్పించారు.
ఈ సందర్భంగా మృతుడి కుటుంబ సభ్యులను పరామర్శించిన కైలే అనిల్ కుమార్, వారికి తన ప్రగాఢ సానుభూతిని తెలియజేస్తూ మనోధైర్యాన్ని చెప్పారు. శ్రీనివాసరావు ఆత్మకు శాంతి చేకూరాలని భగవంతుడిని ప్రార్థించారు. వారి కుటుంబానికి పార్టీ అన్ని విధాలుగా అండగా ఉంటుందని భరోసా ఇచ్చారు. ఈ సంతాప కార్యక్రమంలో తోట్లవల్లూరు మండల వైఎస్సార్ కాంగ్రెస్ పార్టీ ముఖ్య నాయకులు, ప్రజాప్రతినిధులు, కార్యకర్తలు మరియు గ్రామస్తులు పెద్ద సంఖ్యలో పాల్గొని నివాళులు అర్పించారు.
