జనగళం ఎంటర్‌టైన్‌మెంట్ డెస్క్: టాలీవుడ్ యంగ్ టాలెంటెడ్ హీరో సందీప్ కిషన్ ప్రధాన పాత్రలో నటిస్తున్న తాజా సినిమా ‘సిగ్మా’ ప్రీ రిలీజ్ వేడుక హైదరాబాద్‌లోని ప్రఖ్యాత పార్క్ హయత్ హోటల్‌లో నేడు సాయంత్రం ఆరు గంటలకు అత్యంత వైభవంగా ప్రారంభంకానుంది. చిత్ర పరిశ్రమలో ఎంతో ఆసక్తిగా ఎదురుచూస్తున్న ఈ చిత్రానికి సంబంధించిన వేడుకకు సినిమా రంగంలో ప్రత్యేక గుర్తింపు ఉన్న ప్రముఖులు హాజరుకానున్నారు. ఈ సినిమాకు సంబంధించిన ప్రతి అప్‌డేట్ ఇప్పటికే ప్రేక్షకుల్లో భారీ అంచనాలను పెంచగా, ఈ ప్రీ రిలీజ్ ఈవెంట్ ద్వారా సినిమాపై హైప్ మరింత తారాస్థాయికి చేరే అవకాశం ఉంది.
ఈ సినిమాకు ప్రముఖ నటుడు విజయ్ తనయుడు సంజయ్ దర్శకత్వం వహిస్తుండటం విశేషం. దర్శకుడిగా సంజయ్ తొలిసరిగా తెరకెక్కిస్తున్న ఈ ప్రాజెక్ట్పై అభిమానుల్లోనూ, సినీ వర్గాల్లోనూ విపరీతమైన క్రేజ్ నెలకొంది. వైవిధ్యమైన కథాంశంతో, హై టెక్నికల్ వాల్యూస్‌తో రూపుదిద్దుకుంటున్న ఈ చిత్రం యూత్‌ను ఎంతగానో ఆకట్టుకుంటుందని చిత్ర యూనిట్ ధీమా వ్యక్తం చేస్తోంది. సందీప్ కిషన్ కెరీర్‌లోనే ఇది అత్యంత ప్రత్యేకమైన చిత్రంగా నిలుస్తుందని సమాచారం.
ఇక ఈ వేడుకకు టాలీవుడ్ మెగాస్టార్ చిరంజీవి ముఖ్య అతిథిగా విచ్చేస్తుండటం ఈ ఈవెంట్‌కు ప్రధాన ఆకర్షణగా నిలవనుంది. మెగాస్టార్ చేతుల మీదుగా సినిమాకు సంబంధించిన కీలక ప్రమోషనల్ కంటెంట్ విడుదల కానుండటంతో అభిమానుల్లో ఉత్సాహం తారాస్థాయికి చేరింది. చిత్ర బృందంతో పాటు పలువురు సినీ ప్రముఖులు హాజరుకానున్న ఈ సభ నగరంలో సినీ వర్గాల మధ్య చర్చనీయాంశంగా మారింది. సాయంత్రం జరగనున్న ఈ ఈవెంట్ గ్రాండ్ సక్సెస్ కావాలని చిత్ర యూనిట్ కోరుకుంటోంది.
Slug: sundeep-kishan-sigma-movie-pre-release-event-hyderabad