జన గళం అవనిగడ్డ/కోడూరు డెస్క్: పిల్లల సంపూర్ణ ఆరోగ్యం, శారీరక, మానసిక వికాసమే లక్ష్యంగా జాతీయ నులిపురుగుల నిర్మూలన దినోత్సవాన్ని కోడూరు మండలం స్వతంత్రపురం జిల్లా పరిషత్ ఉన్నత పాఠశాలలో (ZPHS) ఘనంగా నిర్వహించారు. ఈ సందర్భంగా పాఠశాలలోని విద్యార్థులందరికీ నులిపురుగుల నివారణ కోసం ఉద్దేశించిన ఆల్బెండజోల్ మాత్రలను వైద్య సిబ్బంది స్వయంగా నమిలి మింగించారు.
ఈ కార్యక్రమంలో పాల్గొన్న డాక్టర్ రాణి సంయుక్త గారు మాట్లాడుతూ.. పిల్లల్లో నులిపురుగుల వల్ల రక్తహీనత, పోషకాహార లోపం, చదువుపై ఏకాగ్రత తగ్గడం వంటి సమస్యలు తలెత్తుతాయని, ప్రతి ఆరు నెలలకొకసారి ఈ మాత్రలను తీసుకోవడం ద్వారా సంపూర్ణ ఆరోగ్యాన్ని కాపాడుకోవచ్చని వివరించారు. పరిసరాల పరిశుభ్రతతో పాటు భోజనానికి ముందు చేతులు శుభ్రంగా కడుక్కోవాలని విద్యార్థులకు అవగాహన కల్పించారు. ఈ కార్యక్రమంలో పీహెచ్ఎన్ పుష్పలత, ఏఎన్ఎం భవాని, ఆశా కార్యకర్తలు, హెల్త్ అసిస్టెంట్లు అప్పికట్ల తారక మస్తాన్, బి. వీరస్వామి, ఉపాధ్యాయ బృందం పాల్గొన్నారు.
