రచన: జన గళం కృతివెన్ను డెస్క్: కృష్ణా జిల్లా పామర్రు 132 కేవీ సబ్‌స్టేషన్ నుంచి చెరుకుమిల్లికి విద్యుత్ సరఫరా చేసే కౌతవరం ఫీడర్ సాంకేతిక సమస్యల కారణంగా బ్రేక్‌డౌన్ అయింది. దీని ఫలితంగా చెరుకుమిల్లి సబ్‌స్టేషన్ పరిధిలోని పలు గ్రామాలకు విద్యుత్ సరఫరా తాత్కాలికంగా నిలిచిపోయింది.
ఈ బ్రేక్‌డౌన్ కారణంగా చెరుకుమిల్లి సబ్‌స్టేషన్ పరిధిలోని వలంక, పీతలవానిపాలెం, గాంధీనగర్, కోమల్లపూడి, సంఘమూడి, నీలిపూడి, చెరుకుమిల్లి, ఎండపల్లి, మునిపేడ గ్రామాల్లో విద్యుత్ సరఫరాలో తీవ్ర అంతరాయం ఏర్పడింది. విద్యుత్ శాఖ సిబ్బంది రంగంలోకి దిగి ఫీడర్ మరమ్మతు పనులను వేగవంతంగా పూర్తి చేసేందుకు చర్యలు చేపట్టారు. విద్యుత్ లైన్లను పునరుద్ధరించి తిరిగి సరఫరా సాధారణ స్థితికి రావడానికి రాత్రి 11 గంటల వరకు సమయం పట్టే అవకాశం ఉందని కృతివెన్ను విద్యుత్ శాఖ అధికారులు వెల్లడించారు. అత్యవసర మరమ్మతు పనులు కొనసాగుతున్నందున ఆయా గ్రామాల విద్యుత్ వినియోగదారులు పరిస్థితిని అర్థం చేసుకుని విద్యుత్ శాఖకు సహకరించాలని అధికారులు విజ్ఞప్తి చేశారు.
