జన గళం ఆంధ్రప్రదేశ్ డెస్క్: రాష్ట్రంలో ప్రముఖ రాజకీయ నాయకులు శ్రీ వర్ల రామయ్య గారికి గవర్నర్ కోటలో శాసనమండలి సభ్యులుగా (ఎమ్మెసీ) అవకాశం లభించడం పట్ల సర్వత్రా హర్షం వ్యక్తమవుతోంది. ఈ ప్రత్యేక సందర్భాన్ని పురస్కరించుకుని, వర్ల రామయ్య గారి తనయుడు, పామర్రు శాసనసభ్యులు (ఎమ్మెల్యే) శ్రీ వర్ల కుమార్ రాజా గారిని ఏపీఎస్‌ఈబీ ఎస్సీ, ఎస్టీ ఎంప్లాయీస్ వెల్ఫేర్ అసోసియేషన్ రాష్ట్ర అధ్యక్షులు శ్రీ ఏ.బి. కిరణ్ గారు, నాయకులు శివకుమార్ గారు, సెక్రటరీ జనరల్ శ్రీ ఉమా విజయ చంద్ర గారు, కళ్యాణ్ కుమార్ గారు మరియు ఇతర ముఖ్య నాయకులు మర్యాదపూర్వకంగా కలిసి ఘనంగా సన్మానించారు.
ప్రజా జీవితంలో సుదీర్ఘకాలం పాటు నిస్వార్థ సేవనందించి, పార్టీ బలోపేతానికి మరియు ప్రజా సమస్యల పరిష్కారానికి ఎంతో కృషి చేసిన వర్ల రామయ్య గారికి గవర్నర్ కోటలో ఎమ్మెల్సీ పదవి వరించడం అత్యంత సంతోషకరమని ఉద్యోగ సంఘం నేతలు పేర్కొన్నారు. ఈ నేపథ్యంలో పామర్రు ఎమ్మెల్యే వర్ల కుమార్ రాజా గారిని కలిసి వారికి పుష్పగుచ్ఛాలు అందజేసి, శాలువాలతో ఘనంగా సత్కరించి తమ హృదయపూర్వక శుభాకాంక్షలను తెలియజేశారు. సీనియర్ నాయకులు వర్ల రామయ్య గారి రాజకీయ అనుభవం, ప్రజా సంక్షేమ దృక్పథం శాసనమండలి చర్చలకు మరింత వన్నె తెస్తాయని వారు ఆశాభావం వ్యక్తం చేశారు.
ఉద్యోగ సంఘాల నాయకులు తమను మర్యాదపూర్వకంగా కలిసి అభినందనలు తెలపడం పట్ల ఎమ్మెల్యే వర్ల కుమార్ రాజా గారు వారికి ప్రత్యేక కృతజ్ఞతలు తెలిపారు. ప్రజలకు, ఉద్యోగ వర్గాలకు ఎల్లప్పుడూ అందుబాటులో ఉంటూ, ప్రజా సంక్షేమమే ధ్యేయంగా తమ తండ్రి అడుగుజాడల్లో నిస్వార్థంగా ముందుకు సాగుతామని ఆయన ఈ సందర్భంగా స్పష్టం చేశారు. ఈ కార్యక్రమంలో పలువురు సంఘ నాయకులు, శ్రేయోభిలాషులు పెద్ద సంఖ్యలో పాల్గొని వర్ల కుటుంబానికి తమ అభినందనలు తెలిపారు.
Slug: varla-ramaiah-mlc-governor-quota-felicitation-pamarru-mla-varla-kumar-raja