పెడన జనసేన సమన్వయకర్త లింగం నాగేశ్వరరావుకు ఘన సన్మానం: మున్సిపల్ చైర్ పర్సన్ పీఠం కైవసంలో కీలక పాత్ర పోషించినందుకు పట్టణ నేతల అభినందన.. పార్టీ బలోపేతానికి సమష్టిగా కృషి చేయాలని పిలుపు! (జన గళం పొలిటికల్ డెస్క్)
పెడన: ఇటీవల జరిగిన పెడన మున్సిపల్ ఎన్నికల్లో కూటమి అభ్యర్థుల ఘన విజయంలో, ప్రత్యేకించి జనసేన పార్టీ మున్సిపల్ చైర్ పర్సన్ పీఠాన్ని కైవసం చేసుకోవడంలో అత్యంత కీలక పాత్ర పోషించిన పెడన నియోజకవర్గ జనసేన పార్టీ సమన్వయకర్త శ్రీ లింగం నాగేశ్వరరావు గారిని పట్టణ పార్టీ నాయకులు ఘనంగా సన్మానించారు.
ఎన్నికల సమయంలో పార్టీ శ్రేణులను, కూటమి నాయకులను ఏకతాటిపైకి తెచ్చి, సమర్థవంతమైన వ్యూహాలతో చారిత్రాత్మక విజయానికి స్ఫూర్తిదాయకంగా నిలిచినందుకు గాను పెడన పట్టణ జనసేన పార్టీ నాయకులు షేక్ బాజీ గారు, షేక్ షఫీ గారు మరియు ఇతర ముఖ్య నేతలు ఆయనను శాలువా, పూలమాలలతో సత్కరించి తమ అభిమానాన్ని చాటుకున్నారు. ఈ సందర్భంగా శ్రీ లింగం నాగేశ్వరరావు గారు నాయకులందరికీ హృదయపూర్వక కృతజ్ఞతలు తెలిపారు. రాబోయే రోజుల్లో కూడా ఇదే ఐకమత్యంతో పనిచేస్తూ, పెడన నియోజకవర్గంలో జనసేన పార్టీని మరింత బలోపేతం చేసేందుకు నిరంతరం కృషి చేయాలని శ్రేణులకు దిశానిర్దేశం చేశారు.