వీఎంసీ రిజర్వేషన్ల లెక్కలు: ఎవరికి ఏ డివిజన్?

జన గళం విజయవాడ బ్యూరో: విజయవాడ నగర పాలక సంస్థ (వీఎంసీ) ఎన్నికల నగారా మోగనున్న వేళ డివిజన్ల రిజర్వేషన్ల వ్యవహారం ఆశావహుల్లో తీవ్ర ఉత్కంఠ రేపుతోంది. నగరంలో కులాల ప్రాతిపదికన ఓటర్ల సంఖ్య ఖరారు కావడంతో అధికారులు ప్రాథమిక రిజర్వేషన్ల జాబితాను ఇప్పటికే ప్రభుత్వానికి పంపించారు. తాజా పరిణామాల నేపథ్యంలో సవరణలు జరుగుతుండగా, తుది జాబితాలో మరికొన్ని మార్పులు జరిగే అవకాశాలున్నట్లు సమాచారం. ప్రస్తుత సమీకరణాల ప్రకారం నగరంలోని మొత్తం డివిజన్లలో ఓసీలకు 23, బలహీన వర్గాలకు (బీసీ) 28, ఎస్సీలకు 6, ఎస్టీలకు 2 డివిజన్లు దక్కే అవకాశాలు స్పష్టంగా కనిపిస్తున్నాయి. దీంతో కార్పొరేషన్ పీఠాన్ని కైవసం చేసుకునేందుకు ప్రధాన పార్టీల అభ్యర్థులు తమ తమ డివిజన్లలో ముందస్తు వ్యూహాలకు పదును పెడుతున్నారు.
ఓసీ, బీసీ, ఎస్సీ, ఎస్టీ కేటాయింపులపై ప్రాథమిక అంచనాలు.. తుది జాబితాపై సర్వత్రా ఆసక్తి.
ఓసీ కేటాయింపులు (23 డివిజన్లు): 2, 3, 5, 6, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 27, 28, 29 డివిజన్లు ఓసీలకు అవకాశం.
(మహిళలకు: 2, 6, 10, 12, 13, 14, 15, 18, 20, 23, 27; పురుషులకు: 5, 9, 11, 16, 17, 19, 21, 22, 24, 28, 29).
బీసీల వాటా (28 డివిజన్లు): 7, 25, 26, 30, 32, 33, 41, 42, 44, 45, 46, 47, 50, 51, 52, 55, 59, 66, 68, 73, 78, 79, 80, 83, 84, 85, 86 డివిజన్లు బీసీలకు దక్కే అవకాశం.
(విజయవాడ తూర్పు నియోజకవర్గంలో 7, 25, 26, 30 డివిజన్లు బీసీలకు కేటాయించే వీలు).
ఎస్సీ వర్గాలు (6 డివిజన్లు): 4, 8, 53, 54, 61 మరియు మరొక డివిజన్ ఎస్సీ కేటగిరీకి వచ్చే అవకాశం.
ఎస్టీ వర్గాలు (2 డివిజన్లు): 42, 73 డివిజన్లు ఎస్టీలకు కేటాయించే అవకాశం కనిపిస్తోంది.
తుది మార్పుల అవకాశం: ఎన్నికల అధికారుల పరిశీలన అనంతరం తుది రిజర్వేషన్ల జాబితాలో స్వల్ప మార్పులు ఉండే అవకాశం.