జన గళం నూజివీడు/గన్నవరం బ్యూరో: ఏలూరు జిల్లా నూజివీడు నియోజకవర్గానికి చెందిన జనసేన పార్టీ నాయకుడు పాశం నాగబాబు ఇటీవల రోడ్డు ప్రమాదానికి గురై గాయపడ్డారు. ఈ విషయం తెలుసుకున్న కృష్ణా జిల్లా గన్నవరం నియోజకవర్గ జనసేన నాయకుడు, ఆంధ్రప్రదేశ్ రోడ్డు అభివృద్ధి సంస్థ (ఏపీఆర్డీసీ) డైరెక్టర్ గరికిపాటి శివశంకర్ నేడు రమణక్కపేటలోని నాగబాబు స్వగృహానికి వెళ్లారు. ప్రమాద వివరాలు, ఆరోగ్య పరిస్థితిని స్వయంగా అడిగి తెలుసుకుని ఆయనను ఆప్యాయంగా పరామర్శించారు. త్వరలోనే పూర్తి ఆరోగ్యంతో కోలుకుని యథావిధిగా ప్రజాసేవలో పాల్గొనాలని ఆకాంక్షించారు. పార్టీ శ్రేణులు, నాయకత్వం ఎల్లవేళలా అండగా ఉంటుందని ధైర్యం చెప్పారు.
రోడ్డు ప్రమాదంలో గాయపడ్డ జనసేన నేత: పరామర్శించిన ఏపీఆర్డీసీ డైరెక్టర్ గరికిపాటి శివశంకర్!
Slug: aprdc-director-garikipati-siva-sankar-visits-injured-janasena-leader-pasam-naga-babu-ramanakkapeta
