ఆంధ్రప్రదేశ్ మాజీ ఉప ముఖ్యమంత్రి, ఏలూరు మాజీ ఎమ్మెల్యే ఆళ్ల కాళీకృష్ణ శ్రీనివాస్ (ఆళ్ల నాని) ఆకస్మిక మృతి పట్ల ఎన్టీఆర్ జిల్లా జనసేన పార్టీ అధ్యక్షులు సామినేని ఉదయభాను తీవ్ర సంతాపం వ్యక్తం చేశారు. ఏలూరులోని ఆళ్ల నాని స్వగృహానికి స్వయంగా చేరుకున్న ఆయన, నాని భౌతికకాయానికి పూలమాలలు వేసి ఘనంగా నివాళులర్పించారు.
అనంతరం తీవ్ర దుఃఖంలో ఉన్న కుటుంబ సభ్యులను పరామర్శించి తన ప్రగాఢ సానుభూతిని తెలియజేశారు. వివాదరహితుడిగా, ప్రజా నాయకుడిగా ప్రజల్లో మంచి గుర్తింపు తెచ్చుకున్న ఆళ్ల నాని అకాల మరణం ఉమ్మడి పశ్చిమ గోదావరి జిల్లా రాజకీయాలకు తీరని లోటని ఆయన పేర్కొన్నారు.
Slug: former-deputy-cm-alla-nani-demise-samineni-udayabhanu-pays-tribute-eluru