జన గళం విజయవాడ డెస్క్: విజయవాడ నగరపాలక సంస్థ (VMC) ఎన్నికల సమరంలో ఎన్డీయే కూటమి (టీడీపీ – జనసేన – బీజేపీ) ప్రచార ప్రభంజనం సరికొత్త ఊపు అందుకుంది. విజయవాడ పశ్చిమ/సెంట్రల్ పరిధిలోని 24వ డివిజన్‌లో కూటమి నాయకులు, కార్యకర్తలు గురువారం ముమ్మర ఎన్నికల ప్రచారం నిర్వహించారు. కూటమి బలపరిచిన జనసేన పార్టీ విజయవాడ మేయర్ అభ్యర్థి శ్రీ వంగవీటి రాధాకృష్ణ (రాధా) గారు, 24వ డివిజన్ తెలుగుదేశం పార్టీ కార్పొరేటర్ అభ్యర్థిని శ్రీమతి రత్నం రజిని గార్ల గెలుపును కాంక్షిస్తూ కూటమి శ్రేణులు విస్తృతంగా పర్యటించాయి.
డివిజన్‌లోని ప్రధాన వీధుల్లో గడపగడపకూ తిరుగుతూ ఇంటింటి ప్రచారం చేపట్టారు. మేయర్ అభ్యర్థిగా పోటీ చేస్తున్న శ్రీ వంగవీటి రాధాకృష్ణ గారికి జనసేన పార్టీ ఎన్నికల గుర్తు అయిన ‘గాజు గ్లాస్’ గుర్తుపై, అలాగే 24వ డివిజన్ కార్పొరేటర్ అభ్యర్థిని శ్రీమతి రత్నం రజిని గారికి తెలుగుదేశం పార్టీ గుర్తు అయిన ‘సైకిల్’ గుర్తుపై అమూల్యమైన ఓటు వేసి భారీ మెజారిటీతో గెలిపించాలని ఓటర్లను అభ్యర్థించారు. ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ గార్ల సుపరిపాలనలో బెజవాడ నగరాన్ని, 24వ డివిజన్‌ను సర్వాంగ సుందరంగా తీర్చిదిద్దుతామని నేతలు హామీ ఇచ్చారు. తాగునీరు, డ్రైనేజీ, అంతర్గత రోడ్ల అభివృద్ధి కూటమి అభ్యర్థుల గెలుపుతోనే సాధ్యమని వివరించారు. ప్రచారంలో పాల్గొన్న కూటమి శ్రేణులకు స్థానిక ప్రజలు, మహిళలు హారతులు పట్టి ఘన స్వాగతం పలికారు. ఈ కార్యక్రమంలో డివిజన్ స్థాయి టీడీపీ, జనసేన, బీజేపీ నాయకులు, కార్యకర్తలు, వీర మహిళలు పెద్ద సంఖ్యలో పాల్గొన్నారు.
