జన గళం ఆంధ్రప్రదేశ్ డెస్క్: విజయవాడలోని ప్రసిద్ధ పుణ్యక్షేత్రమైన ఇంద్రకీలాద్రిపై అత్యంత వైభవంగా నిర్వహించనున్న దసరా శరన్నవరాత్రి మహోత్సవాలు మరియు ప్రతిష్టాత్మకమైన ‘విజయవాడ ఉత్సవ్ 2.0’ వేడుకలకు హాజరుకావాల్సిందిగా తెలంగాణ రాష్ట్ర గౌరవ ముఖ్యమంత్రి శ్రీ ఎ. రేవంత్ రెడ్డికి ఘనంగా ఆహ్వానం అందింది. జాతీయ రాజధాని ఢిల్లీలో తెలంగాణ సీఎంను ఆయన సహచర ఎంపీలతో కలిసి మర్యాదపూర్వకంగా కలిసిన నేతలు, ఈ వేడుకలకు ముఖ్య అతిథిగా విచ్చేయాల్సిందిగా కోరుతూ అధికారిక ఆహ్వాన పత్రికను అందజేశారు.
ఈ సందర్భంగా ఎంపీలు మాట్లాడుతూ, తెలుగు రాష్ట్రాల మధ్య సాంస్కృతిక బంధాన్ని మరింత బలపరిచేలా ఈ వేడుకలను అత్యంత వైభవంగా నిర్వహిస్తున్నామని తెలిపారు. విజయవాడ వేదికగా జరగనున్న ఈ చారిత్రాత్మక ఉత్సవాలకు విచ్చేసి కార్యక్రమాన్ని శోభాయమానం చేయాలని సీఎం రేవంత్ రెడ్డిని కోరామన్నారు. అత్యంత బిజీ షెడ్యూల్ మధ్యలోనూ అతి తక్కువ సమయంలో తమకు అపాయింట్‌మెంట్ కేటాయించి, సానుకూలంగా స్పందించి ఆహ్వానాన్ని స్వీకరించినందుకు గౌరవ ముఖ్యమంత్రి రేవంత్ రెడ్డికి వారు ప్రత్యేకంగా హృదయపూర్వక ధన్యవాదాలు తెలిపారు.
Slug: delhi-revanth-reddy-invited-vijayawada-utsav-dasara