జన గళం ఆంధ్రప్రదేశ్ డెస్క్: ఆపదలో ఉన్నవారికి అండగా నిలవడంలో మెగా ఆశయాలు, జనసేన సేవా భావం మరోసారి ముందువరుసలో నిలిచాయి. చిరంజీవి సీనియర్ మైనారిటీ అభిమాని కుమార్తె వివాహం నిమిత్తం జనసేన పార్టీ సీనియర్ నాయకులు శ్రీ పేటేటి నాంచారయ్య గారు ఉదారంగా స్పందించి ఆర్థిక సాయం అందజేశారు.
ఈ కార్యక్రమంలో మెగాస్టార్ చిరంజీవి గారి సీనియర్ అభిమాని, జనసేన పార్టీ నాయకులు గుండాల నాని పాల్గొని వివాహ కుటుంబానికి శుభాకాంక్షలు తెలియజేశారు. అభిమానులకు ఏ కష్టం వచ్చినా కుటుంబసభ్యుల్లా ఆదుకోవడమే తమ బాధ్యతని, ఉప ముఖ్యమంత్రి పవన్ కళ్యాణ్ గారి ఆదేశాలు, మెగా సిద్ధాంతాలకు అనుగుణంగా సేవా దృక్పథంతో ముందుకు సాగుతామని నాయకులు పేర్కొన్నారు. పెళ్లి కుమార్తెకు ఆశీస్సులు అందజేస్తూ, ఆర్థిక వెసులుబాటు కల్పించి అండగా నిలిచిన పేటేటి నాంచారయ్య గారికి, గుండాల నాని గారికి సదరు కుటుంబ సభ్యులు హృదయపూర్వక ధన్యవాదాలు తెలియజేశారు.
