జన గళం మచిలీపట్నం బ్యూరో: ఆంధ్రప్రదేశ్‌లో రాబోయే స్థానిక సంస్థల ఎన్నికలకు జనసేన పార్టీ సంపూర్ణ సన్నద్ధతను వేగవంతం చేస్తోంది. ఇందులో భాగంగా మచిలీపట్నం పార్లమెంట్ నియోజకవర్గ స్థానిక ఎన్నికల కో-ఆర్డినేషన్ కమిటీని పార్టీ అధినేత, ఉప ముఖ్యమంత్రి కొణిదల పవన్ కళ్యాణ్ ఆదేశాల మేరకు అధికారికంగా ప్రకటించారు. ఈ ప్రతిష్టాత్మక పార్లమెంట్ స్థాయి కమిటీలో ఎంపీ వల్లభనేని బాలశౌరి, మండలి వెంకట రామ్, బండి రామకృష్ణ, చిలకలపూడి పాపారావులతో పాటు ప్రముఖ వైద్యురాలు, సీనియర్ నాయకురాలు శ్రీమతి డాక్టర్ నల్లమోతు రాధిక మాధవిని సమన్వయకర్తగా నియమించారు. 2014 నుంచి పార్టీ సిద్ధాంతాలకు కట్టుబడి పనిచేస్తున్న డాక్టర్ రాధిక మాధవికి పార్లమెంట్ సమన్వయకర్తగా సముచిత స్థానం కల్పించడం పట్ల శ్రేణులు హర్షం వ్యక్తం చేశాయి. వీరితో పాటు 32 మందితో కూడిన ‘నిర్వాహక్ దళ్’, ఐదుగురు సభ్యులతో కూడిన ‘సపోర్ట్ టీం’లను ఏర్పాటు చేసి పార్లమెంట్ పరిధిలోని అన్ని అసెంబ్లీ నియోజకవర్గాల్లో కూటమి అభ్యర్థుల విజయానికి పక్కా ప్రణాళికను సిద్ధం చేశారు.
మచిలీపట్నం పార్లమెంట్ స్థానిక ఎన్నికల కో-ఆర్డినేషన్ కమిటీ ప్రకటన: సమన్వయకర్తగా డాక్టర్ రాధిక మాధవికి కీలక బాధ్యత!
Slug: machilipatnam-parliament-janasena-local-body-elections-coordination-committee-announced-dr-radhika-madhavi
