జన గళం వాణిజ్య డెస్క్: ప్రముఖ వ్యాపారవేత్తలు, పారిశ్రామిక దిగ్గజాలు మరియు ఉన్నతాధికారుల కలయికతో హైదరాబాద్ నగరంలో నిర్వహించిన ప్రత్యేక ఆత్మీయ సదస్సు అత్యంత ఫలప్రదంగా సాగింది. ప్రముఖ ఆర్థిక నిపుణులు, ‘నిఫ్టీ మాస్టర్’ మూర్తినాయుడు పాదం నేతృత్వంలో జరిగిన ఈ ఉన్నత స్థాయి సమావేశంలో దేశీయ, అంతర్జాతీయ వాణిజ్య వృద్ధి, భవిష్యత్ వ్యాపార అవకాశాలు మరియు మార్కెట్ సవాళ్లపై లోతైన చర్చలు జరిగాయి.
ఈ సమావేశంలో స్టాండర్డ్ ఇంజనీరింగ్ లిమిటెడ్ మేనేజింగ్ డైరెక్టర్ శ్రీ నాగేశ్వరరావు, వియాష్ సైంటిఫిక్ లిమిటెడ్ ఎండీ శ్రీ హరిబాబు, ఎస్ఏఎస్ గ్లోబల్ (హైదరాబాద్) ఎండీ శ్రీ శరత్ బాబు విశిష్ట ఆహ్వానితులుగా పాల్గొన్నారు. తమ తమ రంగాల్లో సంస్థలను అగ్రగామిగా నిలిపిన పారిశ్రామిక ప్రయాణాలు, ఎదుర్కొన్న అనుభవాలు, పారిశ్రామిక రంగంలో ఆధునిక అవకాశాలపై వారు తమ అమూల్యమైన దృక్పథాలను పంచుకున్నారు. ఈ మేధోమథన కలయికలో విశ్రాంత రైల్వే ఎస్పీ శ్రీ మర్రి సాంబశివరావు, విజయవాడ లయోలా కళాశాల భౌతికశాస్త్ర విశ్రాంత ఆచార్యులు డాక్టర్ రవికుమార్ ప్రత్యేక అతిథులుగా హాజరై పలు అంశాలపై విశ్లేషించారు. సమాజ ప్రగతికి దోహదపడే వ్యాపార, నైతిక విలువల ఆవశ్యకతపై విస్తృతంగా చర్చించిన ఈ భేటీ అత్యంత స్ఫూర్తిదాయకంగా నిలిచిందని మూర్తినాయుడు తెలిపారు.
