జన గళం విజయవాడ బ్యూరో: విజయవాడ నగర పాలక సంస్థ (VMC) సాధారణ ఎన్నికల పోలింగ్ ప్రక్రియ ముగిసింది. ఎన్నికల అధికారులు రాత్రి 8:00 గంటల సమయంలో విడుదల చేసిన తుది అధికారిక నివేదిక (Proforma-IX) ప్రకారం, కార్పొరేషన్ పరిధిలోని మొత్తం 3 సర్కిళ్లలో కలిపి సాయంత్రం 5:00 గంటల నాటికి 54.74% పోలింగ్ నమోదైంది. నగరవ్యాప్తంగా ఉన్న మొత్తం 8,05,804 మంది ఓటర్లకు గాను 4,41,069 మంది తమ ఓటు హక్కును వినియోగించుకున్నారు.
చివరి గంటల్లో ఓటర్లు భారీగా పోలింగ్ కేంద్రాలకు పోటెత్తడంతో మధ్యాహ్నం 3:00 గంటలకు 40.08 శాతంగా ఉన్న పోలింగ్, ముగిసే సమయానికి దాదాపు 15 శాతం మేర పుంజుకుని 54.74 శాతానికి చేరింది.
సమగ్ర తుది గణాంకాలు & సర్కిళ్ల వారీ సరళి:
- మొత్తం పోలైన ఓట్లు: 4,41,069 (54.74%)
- పురుషులు: 2,17,587మహిళలు: 2,23,407 (పురుషుల కంటే 5,820 ఓట్లు అధికంగా పోలై మహిళా ఓటర్లు కీలక శక్తిగా నిలిచారు)ఇతరులు: 75
- సర్కిల్ – 1: మొత్తం 2,57,555 ఓటర్లలో 1,36,131 ఓట్లు పోలై 52.86% పోలింగ్ నమోదైంది. (పురుషులు: 68,005, మహిళలు: 68,119, ఇతరులు: 7).సర్కిల్ – 2: మొత్తం 2,79,011 ఓటర్లలో 1,59,782 ఓట్లు పోలై 57.27%తో నగరంలోనే అగ్రస్థానంలో నిలిచింది. (పురుషులు: 78,089, మహిళలు: 81,674, ఇతరులు: 19).సర్కిల్ – 3: మొత్తం 2,69,238 ఓటర్లలో 1,45,156 ఓట్లు పోలై 53.91% పోలింగ్ రికార్డైంది. (పురుషులు: 71,493, మహిళలు: 73,614, ఇతరులు: 49).
- 42వ డివిజన్ (సర్కిల్-1): మొత్తం 9,718 ఓటర్లకు గాను 5,353 ఓట్లు (55.08%) పోలయ్యాయి. (పురుషులు: 2,593, మహిళలు: 2,758, ఇతరులు: 2).68వ డివిజన్ (సర్కిల్-2): మొత్తం 9,942 ఓటర్లకు గాను 5,427 ఓట్లు (54.59%) నమోదయ్యాయి. (పురుషులు: 2,758, మహిళలు: 2,669).55వ డివిజన్ (సర్కిల్-1): ఉదయం బ్యాలెట్ గందరగోళం ఏర్పడి రాత్రి 7:30 వరకు సమయం పొడిగించిన ఈ డివిజన్‌లో సాయంత్రం 5:00 గంటల నివేదిక సమయానికి 2,926 ఓట్లు (33.21%) పోలయ్యాయి.
- నగరంలో అత్యధిక పోలింగ్ నమోదైన వార్డు: వార్డు నెం. 86 (సర్కిల్-2) – 71.93% (మొత్తం 9,198 ఓటర్లలో 6,616 మంది ఓటు వేశారు). దీని తర్వాతి స్థానాల్లో వార్డు నెం. 26 (65.25%), వార్డు నెం. 85 (64.70%), వార్డు నెం. 83 (64.70%) నిలిచాయి.అత్యల్ప పోలింగ్ నమోదైన వార్డు: వార్డు నెం. 55 (సర్కిల్-1) – 33.21%, ఆ తర్వాత వార్డు నెం. 15 (సర్కిల్-3) – 38.70% వద్ద నిలిచాయి.