జన గళం ఆంధ్రప్రదేశ్ డెస్క్: విజయవాడ ఇంద్రకీలాద్రిపై కొలువుదీరిన శ్రీ దుర్గా మల్లేశ్వర స్వామి వార్ల దేవస్థానం ట్రస్ట్ బోర్డు సభ్యురాలిగా శ్రీమతి తంబళ్ళపల్లి రమాదేవి బాధ్యతలు స్వీకరించి శనివారంతో విజయవంతంగా ఒక సంవత్సరం పూర్తి చేసుకున్నారు. శ్రీ దుర్గమ్మ అమ్మవారి కృపాకటాక్షాలు, ఆశీస్సులతో ఈ పదవిని చేపట్టానని, గత ఏడాది కాలంగా భక్తులకు సేవ చేసుకునే అదృష్టం దక్కడం తన పూర్వజన్మ సుకృతమని ఆమె పేర్కొన్నారు. ఈ సందర్భంగా ఇంద్రకీలాద్రికి విచ్చేసిన ఆమె అమ్మవారిని దర్శించుకుని ప్రత్యేక పూజలు నిర్వహించారు.
గత ఏడాది కాలంగా దేవస్థానంలో భక్తులకు కల్పిస్తున్న వసతులు, దర్శన ఏర్పాట్లు మరియు పవిత్రతను కాపాడే విషయంలో తంబళ్ళపల్లి రమాదేవి క్రియాశీలక పాత్ర పోషించారు. అమ్మవారి దర్శనానికి వివిధ ప్రాంతాల నుంచి వచ్చే లక్షలాది మంది భక్తులకు ఎలాంటి అసౌకర్యం కలగకుండా అధికారులతో ఎప్పటికప్పుడు సమీక్షలు జరుపుతూ మెరుగైన సేవలు అందేలాచేశారు. ప్రశాంత వాతావరణంలో భక్తులు అమ్మవారిని దర్శించుకునేలా ఆలయ అభివృద్ధికి తన వంతు పూర్తి సహకారం అందించినట్లు తెలిపారు.
ట్రస్ట్ బోర్డు సభ్యురాలిగా ఏడాది పూర్తి చేసుకున్న సందర్భంగా పలువురు ప్రముఖులు, దేవస్థాన అధికారులు, కూటమి నాయకులు మరియు శ్రేయోభిలాసులు శ్రీమతి తంబళ్ళపల్లి రమాదేవిని మర్యాదపూర్వకంగా కలిసి అభినందనలు, శుభాకాంక్షలు తెలియజేశారు. రాబోయే కాలంలోనూ అమ్మవారి సేవలో మరింత అంకితభావంతో పనిచేస్తానని, భక్తులకు మరింత మెరుగైన సదుపాయాలు కల్పించేందుకు కృషి చేస్తానని ఆమె స్పష్టం చేశారు. ఈ సందర్భంగా ఆలయ అర్చకులు ఆమెకు వేదాశీర్వచనాలు అందించి అమ్మవారి ప్రసాదాలను అందజేశారు.
Slug: vijayawada-kanaka-durga-temple-trust-board-member-ramadevi-completes-one-year