జన గళం ఎన్టీఆర్ జిల్లా డెస్క్: జాతిపిత మహాత్మా గాంధీ జయంతి వేడుకలను పురస్కరించుకుని అక్టోబర్ 2వ తేదీన విజయవాడ ఆర్టీసీ వర్క్‌షాప్ రోడ్డులోని ఎన్టీఆర్ జిల్లా జనసేన పార్టీ కార్యాలయంలో ప్రత్యేక వేడుకలను అత్యంత ఘనంగా నిర్వహించనున్నారు. ఉదయం 10:00 గంటలకు ప్రారంభమయ్యే ఈ కార్యక్రమానికి ఎన్టీఆర్ జిల్లా జనసేన పార్టీ అధ్యక్షులు సామినేని ఉదయభాను ముఖ్య అతిథిగా విచ్చేయనున్నారు. ఈ సందర్భంగా మహాత్మా గాంధీ చిత్రపటానికి పూలమాలలు వేసి పార్టీ శ్రేణులు ఘనంగా నివాళులర్పించనున్నాయి.
గాంధీ జయంతి వేడుకలను కేవలం వేడుకగానే కాకుండా సేవా కార్యక్రమాల వేదికగా నిర్వహించాలని జనసేన పార్టీ నిర్ణయించింది. ఇందులో భాగంగా కార్యాలయంలో మెగా రక్తదాన శిబిరాన్ని ఏర్పాటు చేయనున్నారు. అలాగే విద్యార్థులను ప్రోత్సహించేలా స్కాలర్‌షిప్‌ల అందజేతతో పాటు, నిరుపేద కుటుంబాలకు అవసరమైన నిత్యావసర వస్తువులను పంపిణీ చేయనున్నారు. సమాజహితమే ధ్యేయంగా గాంధీజీ ఆశయాలను ముందుకు తీసుకువెళ్లేలా ఈ సేవా కార్యక్రమాలను రూపకల్పన చేసినట్లు పార్టీ వర్గాలు వెల్లడించాయి.
ఈ కార్యక్రమంలో జనసేన పార్టీ నియోజకవర్గ ఇన్‌చార్జిలు, పీఓసీలు, పార్టీ నాయకులు, కార్యకర్తలు మరియు వీర మహిళలు పెద్ద సంఖ్యలో పాల్గొని గాంధీ జయంతి వేడుకలను, సేవా కార్యక్రమాలను విజయవంతం చేయాలని ఎన్టీఆర్ జిల్లా జనసేన పార్టీ కార్యాలయం పిలుపునిచ్చింది.
Slug: vijayawada-ntr-district-janasena-office-gandhi-jayanti-celebrations