రచన: జన గళం మచిలీపట్నం డెస్క్: స్వాతంత్ర్య సంగ్రామంలో యావత్ భారతదేశాన్ని ఏకతాటిపై నిలిపి, అహింసా మార్గంలో దేశానికి స్వాతంత్ర్యం సిద్ధించేలా చేసిన మహనీయుడు జాతిపిత మహాత్మా గాంధీ అని జనసేన పార్టీ మచిలీపట్నం ఇంచార్జ్ బండి రామకృష్ణ, టీడీపీ జిల్లా అధ్యక్షులు వీరంకి వీర వెంకట గురుమూర్తి కొనియాడారు. మహాత్మా గాంధీ 157వ జయంతిని పురస్కరించుకుని మచిలీపట్నంలోని జనసేన పార్టీ కార్యాలయంలో బాపూజీ చిత్రపటానికి వారు పూలమాలలు వేసి ఘనంగా నివాళులర్పించారు.
ఈ సందర్భంగా నాయకులు మాట్లాడుతూ.. బ్రిటిష్ పాలకులను గడగడలాడించేందుకు సత్యం, అహింసలను ప్రధాన ఆయుధాలుగా చేసుకుని ఉప్పు సత్యాగ్రహం, విదేశీ వస్తు బహిష్కరణ వంటి వినూత్న ఉద్యమాలను నడిపించిన చరిత్ర గాంధీజీదని స్మరించుకున్నారు. స్వతంత్ర పోరాట సమయంలో బాపూజీ చారిత్రక బందరు పట్టణాన్ని సందర్శించడం ఈ ప్రాంత ప్రజలందరికీ ఎప్పటికీ గర్వకారణమని పేర్కొన్నారు. గాంధీజీ కలలుగన్న గ్రామ స్వరాజ్యం, స్వచ్ఛత, సామాజిక న్యాయం లక్ష్యంగా రాష్ట్ర ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ సారథ్యంలో కూటమి ప్రభుత్వం ముందుకు సాగుతోందని స్పష్టం చేశారు.
ఈ కార్యక్రమంలో జనసేన పార్టీ మచిలీపట్నం నగర అధ్యక్షుడు గడ్డం రాజుతో పాటు నాయకులు కొక్కు లక్ష్మణ్, ఉడుముల బుజ్జి, పెద్దసింగు చిరంజీవి, కటికల సుబ్బారావు, బత్తిన వెంకటస్వామి, బత్తిన నాగభూషణం, వేముల చక్రి, మంత్రి పృథ్వీ, వేముల వెంకటేశ్వరరావు, అనుమకొండ సాయికిరణ్, కందుల ఫణి, పోతన వంశీ నాయుడు, ఏడుంబాకుల వాసు, గంపల కృష్ణ, దేవనూరి వీరబాబు, బచ్చు రాజేష్, నూకల సాయి గణేష్, కొండిశెట్టి గోపాల్, తోట పవన్, జొన్నల ప్రసాద్, కోలపల్లి గణేష్, పాతపాటి నాగరాజు, పాతపాటి రేణుకరావు, గంపల కౌశిక్, తోట రాజేష్, పినిశెట్టి వేణు, బీరం సుదర్శన్, నరహరిశెట్టి రామ్ జ్యోతి, కూనపురెడ్డి సురేష్, కరీంశెట్టి త్రినాథ్ తదితర కూటమి శ్రేణులు పెద్ద సంఖ్యలో పాల్గొని బాపూజీకి శ్రద్ధాంజలి ఘటించారు.