జన గళం ఆంధ్రప్రదేశ్ డెస్క్: తూర్పుగోదావరి జిల్లా రాజానగరం నియోజకవర్గంలో జనసేన పార్టీ బలపడటంతో పాటు రాజకీయంగా దూకుడు ప్రదర్శిస్తోంది. రాష్ట్రంలో కూటమి ప్రభుత్వం అమలు చేస్తున్న ప్రజా సంక్షేమ పారదర్శక పాలనకు ఆకర్షితులై వివిధ పార్టీల నుంచి నాయకులు పెద్ద ఎత్తున జనసేన వైపు అడుగులు వేస్తున్నారు. తాజాగా కోరుకొండ మండలం కోటి గ్రామంలో వైఎస్సార్‌సీపీకి కోలుకోలేని విధంగా భారీ ఎదురుదెబ్బ తగిలింది. ఆ పార్టీకి చెందిన సుమారు 200 మంది ముఖ్య నాయకులు మరియు కార్యకర్తలు వైఎస్సార్‌సీపీని వీడి, రాజానగరం శాసనసభ్యులు శ్రీ బత్తుల బలరామకృష్ణ సమక్షంలో జనసేన పార్టీలో అధికారికంగా చేరారు.
ఈ భారీ చేరికలతో కోటి గ్రామంలో వైఎస్సార్‌సీపీ ఉనికి పూర్తిగా కోల్పోయి, అడ్రస్ గల్లంతు కావడం స్థానిక రాజకీయాల్లో చర్చనీయాంశమైంది. గ్రామానికి చెందిన వైఎస్సార్‌సీపీ శ్రేణులన్నీ జనసేన విధానాలు, ఉప ముఖ్యమంత్రి పవన్ కళ్యాణ్ ఆశయాలకు ఆకర్షితులై స్వచ్ఛందంగా పార్టీలో చేరారు. నూతనంగా జనసేన గూటికి చేరిన నాయకులు, కార్యకర్తలకు ఎమ్మెల్యే బత్తుల బలరామకృష్ణ సాదర స్వాగతం పలికి, వారికి పార్టీ కండువాలు కప్పి ఆహ్వానించారు.
ఈ సందర్భంగా ఎమ్మెల్యే బత్తుల బలరామకృష్ణ మాట్లాడుతూ, కూటమి ప్రభుత్వ హయాంలో రాష్ట్రం అన్ని రంగాల్లో అభివృద్ధి పథంలో పయనిస్తోందని, ప్రజల సంక్షేమమే ఏకైక ధ్యేయంగా ప్రభుత్వం పనిచేస్తోందని స్పష్టం చేశారు. నియోజకవర్గంలో ప్రతి గ్రామాన్ని అభివృద్ధి చేసేందుకు అంకితభావంతో కృషి చేస్తున్నామని తెలిపారు. పార్టీలో చేరిన ప్రతి కార్యకర్తకూ తగిన గుర్తింపు, సముచిత స్థానం లభిస్తుందని భరోసా కల్పిస్తూ, అందరూ కలిసికట్టుగా నియోజకవర్గ ప్రగతికి శ్రమించాలని పిలుపునిచ్చారు. ఈ కార్యక్రమంలో స్థానిక కూటమి నాయకులు, జనసేన పార్టీ శ్రేణులు పెద్ద సంఖ్యలో పాల్గొని నూతన సభ్యులకు ఘనంగా శుభాకాంక్షలు తెలిపారు.
Slug: rajanagaram-korukonda-koti-village-ysrcp-leaders-join-janasena-bathula-balaramakrishna