జన గళం నూజివీడు/ఏలూరు బ్యూరో: నూజివీడుకు చెందిన ముత్యాల వెంకట కామేశ్వరరావు (కామేష్) జనసేన పార్టీ ఏలూరు పార్లమెంట్ నిర్వాహక్ దళ్ సభ్యుడిగా నియమితులయ్యారు. జనసేన పార్టీ అధినేత, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ ఈ మేరకు అధికారికంగా ఉత్తర్వులు జారీ చేశారు. రాబోయే స్థానిక సంస్థల ఎన్నికల్లో సమన్వయం, అభ్యర్థుల ఎంపిక, క్షేత్రస్థాయిలో పార్టీ బలోపేతంలో ఆయన కీలక బాధ్యతలు నిర్వర్తించనున్నారు. గత 22 ఏళ్లుగా మెగాస్టార్ చిరంజీవి యువత నూజివీడు నియోజకవర్గ అధ్యక్షుడిగా, ఉమ్మడి కృష్ణా జిల్లా అధికార ప్రతినిధిగా, ప్రజారాజ్యం యువరాజ్యం అధ్యక్షుడిగా, కామన్ మ్యాన్ ప్రొటెక్షన్ ఫోర్స్ వ్యవస్థాపక సభ్యుడిగా ఆయన రక్తదానం, నేత్రదానం వంటి ఎన్నో సామాజిక సేవా కార్యక్రమాలు నిర్వహించారు. 2024 సార్వత్రిక ఎన్నికల్లో నూజివీడు కూటమి అభ్యర్థి, ప్రస్తుత మంత్రి కొలుసు పార్థసారథికి ఎన్నికల ప్రధాన ఏజెంట్‌గా వ్యవహరించి ఆయన ఘనవిజయానికి విశేష కృషి చేశారు. పార్టీ కోసం నిరంతరం శ్రమించిన కామేష్ సుదీర్ఘ సేవలకు తగిన గుర్తింపు దక్కడంపై నూజివీడు నియోజకవర్గ శ్రేణులు, ప్రజాసంఘాలు, యువత హర్షాతిరేకాలు వ్యక్తం చేస్తున్నాయి.
ముత్యాల కామేష్‌కు దక్కిన గుర్తింపు: ఏలూరు నిర్వాహక్ దళ్ సభ్యుడిగా నియామకం!
Slug: nuzvid-muthyala-kamesh-appointed-eluru-parliament-janasena-nirvahak-dal-member
