జన గళం ఆంధ్రప్రదేశ్ డెస్క్: తిరువూరు నియోజకవర్గ స్థానిక సంస్థల ఎన్నికల సమన్వయకర్తగా రాజేంద్ర ప్రసాద్ రావుల నియమితులయ్యారు. ఈ మేరకు జనసేన పార్టీ అధినేత మరియు ఆంధ్రప్రదేశ్ రాష్ట్ర ఉప ముఖ్యమంత్రి కొణిదెల పవన్ కళ్యాణ్ ఆయనకు కీలక బాధ్యతలను అప్పగించారు. తనపై నమ్మకం ఉంచి ఈ అవకాశాన్ని కల్పించినందుకు పార్టీ అధినేతకు రాజేంద్ర ప్రసాద్ రావుల హృదయపూర్వక ధన్యవాదాలు తెలియజేశారు.
ఈ సందర్భంగా ఆయన మాట్లాడుతూ తిరువూరు నియోజకవర్గంలో జనసేన పార్టీని మరింత పటిష్టం చేసేందుకు శాయశక్తులా కృషి చేస్తానని వెల్లడించారు. రాబోయే స్థానిక సంస్థల ఎన్నికల్లో పార్టీ అభ్యర్థుల విజయానికి క్షేత్రస్థాయిలో శ్రేణులను సమన్వయం చేసుకుంటూ ముందుకు సాగుతామని స్పష్టం చేశారు. పార్టీ అధినాయకత్వం తనపై ఉంచిన విశ్వాసాన్ని నిలబెట్టుకుంటూ అంకితభావంతో పనిచేస్తానని తెలిపారు.
రాజేంద్ర ప్రసాద్ రావుల నియామకం పట్ల తిరువూరు నియోజకవర్గ జనసేన పార్టీ నాయకులు, కార్యకర్తలు మరియు జనసైనికులు హర్షం వ్యక్తం చేశారు. నూతన సమన్వయకర్త నేతృత్వంలో పార్టీ కార్యకలాపాలు మరింత ఊపందుకుంటాయని ఆశాభావం వ్యక్తం చేస్తూ పలువురు నేతలు ఆయనకు శుభాకాంక్షలు తెలియజేశారు