జన గళం విజయవాడ బ్యూరో: జనసేన పార్టీ రాష్ట్ర ప్రధాన కార్యదర్శి, ఏపీ ఎంఎస్ఎంఈ చైర్మన్ శ్రీ తమ్మిరెడ్డి శివశంకర్ గారి జన్మదిన వేడుకల సందర్భంగా పార్టీ శ్రేణుల నుంచి శుభాకాంక్షలు వెల్లువెత్తుతున్నాయి. ఈ సందర్భంగా జనసేన పార్టీ నాయకులు దుగ్గిశెట్టి వెంకట్ సుజయ్ బాబు తమ గురువర్యులు తమ్మిరెడ్డి శివశంకర్ గారికి హృదయపూర్వక జన్మదిన శుభాకాంక్షలు తెలియజేశారు.
పార్టీ అధినేత పవన్ కళ్యాణ్ గారి ఆశయ సాధనకు, పార్టీ పటిష్టతకు, కార్యకర్తల సంక్షేమం కోసం శివశంకర్ గారు నిరంతరం నిత్యకృషీవలుడిలా శ్రమిస్తున్నారని సుజయ్ బాబు కొనియాడారు. ప్రజాసేవలో ఆయన మరిన్ని ఉన్నత పదవులను అధిరోహిస్తూ, సంపూర్ణ ఆయురారోగ్యాలతో వర్ధిల్లాలని మనస్ఫూర్తిగా ఆకాంక్షించారు.
